Шавкат Мирзиёев Жанубий Кореяга давлат ташрифини якунлади
Ўзбекистон Президенти Шавкат Мирзиёев Корея Республикасига давлат ташрифини якунлаб, Сеулдан Тошкентга учиб кетди. Ташриф давомида Мирзиёев Жанубий Корея Президенти Ли Чжэ Мён билан тор ва кенгайтирилган таркибда музокаралар ўтказди. Томонлар алоҳида стратегик шериклик муносабатларини янада мустаҳкамлашни муҳокама қилдилар. Бундан ташқари, Ўзбекистон Президенти Миллий ассамблея спикери Чо Чон Сик, Бош вазир […]
Шавкат Мирзиёев Жанубий Кореяга давлат ташрифини якунлади
Ўзбекистон Президенти Шавкат Мирзиёев Корея Республикасига давлат ташрифини якунлаб, Сеулдан Тошкентга жўнаб кетди.
Сафар доирасида Мирзиёев Жанубий Корея Президенти Ли Чжэ Мён билан тор ва кенгайтирилган таркибда музокаралар ўтказди. Учрашувларда томонлар алоҳида стратегик шериклик муносабатларини янада мустаҳкамлашни муҳокама қилдилар.
Бундан ташқари, Ўзбекистон Президенти Миллий ассамблея Спикери Чо Чон Сик, Бош вазир Хан Док Су, шунингдек, Кореянинг етакчи компаниялари ва молиявий институтлари раҳбарлари билан учрашди.
Ўзбекистон-Корея бизнес-форуми давомида қўшма лойиҳалар ишга туширилди, қатор объектлар қурилиши бошлаб юборилди ва келишувлар пакети имзоланди.
Мирзиёев, шунингдек, «Марказий Осиё — Корея Республикаси» биринчи саммитида иштирок этиб, ҳамкорликнинг бешта стратегик йўналиши бўйича ташаббусларни илгари сурди. Бундан ташқари, Президент ушбу формат доирасидаги биринчи бизнес-саммитда нутқ сўзлади.
Ташриф давомида Жанубий Кореяда истиқомат қилаётган ўзбек диаспораси вакиллари билан алоҳида учрашувлар бўлиб ўтди.
Ташриф дастури якунлангач, Сеул аэропортида Шавкат Мирзиёев ва унинг рафиқасини Корея Республикаси ички ишлар ва хавфсизлик вазири Юн Хо Чжун ва бошқа расмий шахслар кузатиб қўйди.
Ўзбекистон Президенти Тошкентга йўл олди.