Шавкат Мирзиёев Бухоро вилоятига ташриф буюради
3−4-ноябр кунлари президент Шавкат Мирзиёев Бухоро вилоятида бўлади. Давлат раҳбари тарихий меросни асраш, туризм, саноат ва қишлоқ хўжалиги лойиҳалари билан танишади. Шунингдек, янги обьектлар қурилишини бошлаб, вилоятни ривожлантириш бўйича йиғилиш ўтказади.
Шавкат Мирзиёев Бухоро вилоятига боради
Сешанба куни президент Шавкат Мирзиёев Бухоро вилоятига ташриф буюради, дея давлат раҳбарининг матбуот хизмати маълум қилди.
Давлат раҳбари ҳудудда тарихий меросни асраш ва туризм инфратузилмасини ривожлантириш йўналишида амалга оширилаётган ишлар, шунингдек, саноат ва қишлоқ хўжалиги соҳаларидаги истиқболли лойиҳалар билан танишади.
Икки кунлик ташриф дастурида янги қувватларни ишга тушириш, янги обьектлар қурилишига старт бериш ҳамда вилоятни комплекс ривожлантириш масалаларига бағишланган видеоселектор йиғилишини ўтказиш ҳам бор.