Сергелида ўқувчилар қувур орқали ўтишга мажбур бўлган «Жунариқ» канали устида кўприк қуриб битказилди
Аввал ушбу ҳудудда канал орқали хавфсиз ўтиш имконияти чекланган эди. Аҳоли, жумладан, мактаб ўқувчилари йўлни
Сергелида ўқувчилар қувурлар орқали ўтишга мажбур бўлган «Жунариқ» канали устида кўприк қурилиши якунланди.
Тошкент шаҳрининг Сергели туманида «Жунариқ» ва «Юқори Дархон» маҳаллаларини боғловчи янги кўприк фойдаланишга топширилди. Бу ҳақда пойтахт ҳокимлиги маълум қилди.
Ушбу иншоот ҳудуддаги транспорт ва пиёдалар ҳаракатини яхшилаш, хусусан, мактаб ўқувчиларининг хавфсизлигини таъминлашга хизмат қилади.
Илгари бу ҳудудда каналдан хавфсиз ўтиш имконияти чекланган эди. Аҳоли, жумладан, мактаб ўқувчилари йўлни қисқартириш мақсадида канал устидан ўтказилган қувурлардан фойдаланишга мажбур бўлишган.
Янги кўприкнинг узунлиги 28 метр, кенглиги эса 8 метрни ташкил этади. Иншоот 80 тоннагача юкни кўтариш имкониятига эга эканлиги қайд этилмоқда.
«Янги кўприк автотранспорт воситаларининг ҳаракатланиши билан бирга пиёдалар, айниқса мактаб ўқувчиларининг хавфсиз ва қулай ўтишини таъминлайди. Энди каналнинг икки томонида жойлашган маҳаллалар ва таълим муассасалари ўртасида хавфсиз ва қулай қатнов йўлга қўйилди», — дейилади хабарда.
Мазкур кўприк ўрнидан ёш болаларнинг ўтишга мажбур бўлаётгани ҳақидаги хабар ижтимоий тармоқларда 2026 йилнинг баҳорида тарқалган эди. Шундан сўнг Шавкат Мирзиёев видеоселектор йиғилишида масала узоқ муддат эътиборсиз қолдирилгани ва ижтимоий тармоқларда эълон қилинганидан кейингина ҳал қилинганини танқид қилганди.