Селин Дион саҳнага қайтди: хонанда Париждаги консертидан рекорд даражада даромад олди

Селин Дион саҳнага қайтди: хонанда Париждаги консертларидан рекорд даражада даромад олди

Селин Дион консертлар бошланишидан анча олдин Парижга етиб келган эди. Олти йиллик танаффусдан сўнг саҳнага қайтаётган хонанда ҳар бир ҳаракат ва ҳар бир нотани пухта машқ қилиб олиши керак эди. Кўпчилик унинг яна қўшиқ айтишига ишонмаганди.

Хонанда камёб ва тобора кучайиб борувчи неврологик касаллик — Мерш-Волман (қотиб қолган одам) синдроми билан курашмоқда. У бу ҳақда 2022-йилда маълум қилган: томир тортишишлари юришга ҳам, овоз пайчаларидан одатдагидек фойдаланишга ҳам халақит берган, шу сабабли Соураге гастрол сафарининг қолган консертлари бекор қилинган. 2024-йилда “И Ам: Селине Дион” ҳужжатли филмида унинг хуружлари ҳам кўрсатилган.

2026-йил августидаги Ҳарперъс Базаар интервюсида Дион касаллик аломатлари ташхис қўйилишидан тахминан 17 йил олдин бошланганини айтди. Оғриқ баъзан шу даражада кучли бўлганки, у зўрға юрган ва оғриқ қолдирувчи дориларнинг юқори дозасини қабул қилишга мажбур бўлган.

Ташхисдан сўнг у спортчилар тайёргарлигига ўхшаш интизомли ва мураккаб даволанишни бошлади. Вогуе Франсеъга (2024) кўра, у ҳафтасига беш кун жисмоний ва вокал терапия билан шуғулланади. Унинг шифокори, невролог Аманда Пикеннинг айтишича, бу тартиб тўлиқ ставкали ишдек вақт олади. 2026-йилга келиб дастур янада кенгайди: янги дори-дармонлар, физиотерапия, вокал терапияси ва иммунотерапияга ҳафтасига уч марта 90 дақиқалик пилатес ҳамда икки марта балет дарслари қўшилди. Дион учта мақсадига эришганини айтди: қаддини тик тутиб ўтириш, қўл учларини оёқ бармоқларига теккиза олиш ва шпагатга ўтиш.

Мухлислар ҳар куни хонанда яшайдиган меҳмонхона олдида кутиб туришарди. Бир куни Дион ўзини тия олмай, оломон қаршисида қўшиқ куйлаб, рақсга тушди. Биринчи шоудаги чиқишида у кўз ёшларини тия олмади.

Биллбоард ва Бохссоре маълумотларига кўра, сентябрдан октябргача Пленитуде Аренаъда ўтган “Селине Дион Парис” дастурининг 16 та шоуси 125,5 миллион доллар ялпи (гросс) тушум келтирди. Ҳар бир кеча ўртача 7,8 миллион доллар тушган, жами 539 минг чипта сотилган ва заллар тўла бўлган — бу кўрсаткич Дионнинг Лас-Вегасдаги бир кечалик даромадидан ўн баравар юқори. Бироқ 125 миллион соф фойда эмас: ундан арена ижараси, жамоа, жиҳозлар, логистика, солиқлар ва промоутерлар гонорари тўланади.

2026-йил мартида Дион Эйфел минораси ёнида ёзилган видеода саҳнага қайтишини эълон қилган ва мухлисларига “Мен яхшиман, соғлиғимни тиклаяпман ва ўзимни яхши ҳис қиляпман” деганди. Дастлаб режалаштирилган 10 та консерт 16 тага кўпайди. Лондондан келган мухлис Хлоя Райдквист журналистларга: “У афсона, у кумир. Биз илк оқшомдаёқ шу ерда бўлишимиз шарт эди”, деди.

Париж унинг молиявий йўлининг фақат бир қисми холос. Лас-Вегасдаги “Саесарс Паласе”да 2003–2007-йилларда ўтган “А Нев Дай…” дастури 385,1 миллион доллар, 2011–2019-йиллардаги “Селине” дастури (1141 та шоу) эса тахминан 296 миллион доллар келтирган. Бу икки дастурнинг ўзи 680 миллион доллардан ортиқ ялпи даромад дегани. Форбес унинг шахсий бойлигини 570 миллион доллар атрофида баҳолаган. Касаллик даврида ҳам унинг номи даромад келтирган: роялтилар, 220 миллиондан ортиқ сотилган албомлар каталоги ва парфюмерия лицензиялари ҳисобига.

Олдинда 2027-йил майига режалаштирилган Париждаги яна 10 та консерт бор. Бир неча йил саҳнага чиқа олмаган хонанда ҳозир бир кечада қарийб 33 минг томошабинни тўпламоқда.