“Мен қайтишга ваъда бергандим”: Селин Дион 6 йиллик танаффусдан сўнг илк яккахон консертини тақдим этди
“Мен қайтишга ваъда бергандим”: Селин Дион 6 йиллик танаффусдан кейин илк яккахон консертини берди
58 ёшли хонанда Селин Дион соғлиғидаги муаммолар сабаб юзага келган узоқ танаффусдан сўнг саҳнага қайтди.
У 12-сентябр, шанба куни кечқурун Париж яқинидаги Нантер шаҳрида жойлашган “Плéнитуде Арена”да консерт берди. Бу поп-юлдузнинг сўнгги олти йил ичидаги илк тўлиқ яккахон консерти бўлди. Унинг консерт фаолиятидаги танаффусга пандемия ҳамда оғир неврологик касаллик — қаттиқ мушаклар синдроми (мушаклар қотиши) сабаб бўлган.
Қаттиқ мушаклар синдроми — марказий асаб тизими (бош ва орқа мия)нинг жуда кам учрайдиган аутоиммун касаллиги бўлиб, у кучайиб борувчи мушаклар қотиши (ригидлик), оғриқли спазмлар ва ташқи таъсирларга юқори сезувчанлик билан намоён бўлади.
“Агар юра олмасам, эмаклайман. Аммо таслим бўлмайман!”.
Консерт “Он не чанге пас” қўшиғи билан бошланди ва уни куйлаши биланоқ санъаткор кўз ёшларини тийиб тура олмади.
“Ўзимга йиғламасликка ваъда бергандим... Лекин барчангизни кўрганимдан жуда бахтиёрман. Сизларни жуда соғиндим. Мен сизлар билан бирга куйлайман ва энди йиғламасликка ҳаракат қиламан”, — дея Дионнинг сўзларини Вариетй келтиради.
Кейин у яна шундай деди:
“Мен ўзимга ва сизларга қайтишга ваъда берганим учун шу ердаман. Ва бу саҳнада фақат сизнинг ишончингиз ва ақлбовар қилмас муҳаббатингиз туфайли турибман”.
Селин Дион “Тҳе Повер оф Лове”, “Бесаусе Ёу Ловед Ме”, “Поур қуе ту мъаимес энсоре”, “Алл Бй Мйселф”, “Иъм Аливе” ва “Мй Ҳеарт Вилл Го Он” каби хит қўшиқларни ижро этди.
Консертни томоша қилиш учун қарийб 30 минг киши йиғилди. Кўплаб мухлислар Селин Дион сурати туширилган футболкаларда ёки хонанда услубидаги образларда келишди.
Эслатиб ўтамиз, Селин Дионга жуда кам учрайдиган касаллик — мушаклар қаттиқлиги синдроми ташхиси қўйилган. У миллион кишидан бир ёки иккитасида учрайди, шу сабабли кам ўрганилган. Унинг ривожланишига стресс ёки баланд товушлар, сезгирликнинг ошиши сабаб бўлиши мумкин, деб тахмин қилинади ва табиийки, таниқли қўшиқчининг ҳаётида буларнинг барчаси кўп бўлган. Синдром мушакларнинг қотиб қолиши ва оғриқли спазмлар кўринишида намоён бўлади. Бугунги кунда уни даволаб бўлмайди, фақат симптомларни енгиллаштириш мумкин.