Сайёрамиздаги машҳур филмларда кўрсатилганидан кўра чиройлироқ масканлар (фото)
Сайёрамизнинг машҳур филмларида тасвирланганидан ҳам гўзалроқ жойлар (фото)
Кўпчилик "Тахтлар ўйини" ёки "Уенздей" каби машҳур филмлар суратга олинган жойларни ўз кўзи билан кўришни орзу қилади. Қуйидаги суратларда бу масканларнинг экранда кўрсатилганидан юз баравар жозибадор эканлигига гувоҳ бўлинг.
**Айт Бен Хадду, Марокаш — “Тахтлар ўйини”**
Фото: adme.media
Суратга олиш ишлари учун ушбу қалъа-шаҳар Марокашда хаёлий Юнкай шаҳрига айлантирилган. Бироқ, сериалда саҳронинг барча гўзалликлари тўлиқ акс эттирилмаган.
**Кантакузино қалъаси, Бустени, Руминия — “Уенздей”**
Фото: adme.media
Қалъа, албатта, қоронғи муҳит яратиш учун компютер графикаси ёрдамида бироз ўзгартирилган – ёш исёнчилар академияси ҳовлисидаги эгилган дарахт каби готика элементларисиз бўлмасди. Аммо жонли Кантакузино қалъаси ҳам ўз гўзаллиги билан ҳайратга солади.
**Кайрфилли қалъаси, Уелс — “Доктор Ким”**
Фото: adme.media
Сериалнинг бир нечта эпизодлари, масалан, Венеция вампирлари ҳақидаги саҳналар ушбу қасрда суратга олинган, аммо унинг барча гўзалликлари кадрга сиғмаган. Айтганча, қасрнинг ўзи ҳам, унинг атрофидаги ҳудуд ҳам ажойиб даражада гўзалдир.
**Айт Бен Хадду, Марокаш — “Клон”**
Фото: adme.media
Ушбу ажойиб тош шаҳар Жади севги ҳикояси учун муносиб фон бўлиб хизмат қилган.
**Эресунск кўприги, Дания ва Швеция чегараси — “Кўприк”**
Фото: adme.media
Сюжетга кўра, икки полициячи тўғридан-тўғри кўприкда содир бўлган жиноятни тергов қилади ва Дания ёки Швецияга бориш учун уни доимий равишда кесиб ўтади.
**Форт Макомб, Луизиана — “Ҳақиқий детектив”**
Фото: adme.media
Биринчи фасл финалида Метю Макконахи жиноятчини қувиб ўтишга уриниб, катакомбалар бўйлаб кезиб юради. Эпизод тарихий жойда – 19-асрда қурилган қалъада суратга олинган. У ерда ҳақиқатан ҳам катакомбалар мавжуд, аммо сериалдаги каби даҳшатли эмас.
**Ангкор, Камбожа — “Лара Крофт: Муқаддима”**
Фото: adme.media
Жасур Ларанинг саргузаштлари Камбожадаги ибодатхона харобалари ҳудудида бўлиб ўтади. Филм суратга олингандан сўнг бу ернинг кўплаб сайёҳларни ўзига жалб қилгани ажабланарли эмас.
**Тунис — “Юлдузлар жанги”**
Фото: adme.media
Машҳур Татуин сайёраси нафақат Тунисда жойлашган, балки номини Туниснинг Татавин шаҳридан олган.
**Доминика — “Кариб денгизи қароқчилари: мурдалар сандиғи”**
Фото: adme.media
Филмдаги аксарият саҳналар гўзал Доминика оролида суратга олинган.
**Инишмор ва Ахил ороллари, Ирландия — “Инишериннинг Баншилари”**
Фото: adme.media
Пейзажлар Колин Фаррелл иштирокидаги ушбу ғамгин филмнинг энг яхши қисмларидан биридир. Ирландия оролларининг шиддатли иқлими, ҳатто экран орқали қарасангиз ҳам, ҳайратланарли. Инишерин – хаёлий жой, лекин филм жуда реал жойда, икки оролда – Инишмор ва Ахиллда суратга олинган.