Сайловда ютқазиб, АҚŞга кетган Болсонару öзини «Бразилия етакçиси» деб эълон қилди
Бразилия президентлиги уçун сайловда маğлуб бöлган сенатор Флавиу Болсонару АҚŞга кетганидан сöнг халққа мактуб йöллаб, öзини «Бразилия етакçиси» деб атади. У сайлов натижалари сохталаşтирилганини даъво қилган, бироқ буни тасдиқловçи аниқ далиллар келтирмаган.
Сайловда мағлуб бўлиб, АҚШга жўнаб кетган Болсонару ўзини «Бразилия етакчиси» деб эълон қилди
ДВ хабарига кўра, ўнг қанот Либерал партиясидан президентликка собиқ номзод 29-октабрга ўтар кечаси Х ижтимоий тармоғида «Бразилия халқига мактуби»ни эълон қилган.
ОАВ маълумотларига кўра, Болсонару аввалига ўзини мамлакатнинг «ҳақиқий президенти» ва «сайланган президенти» деб атаган, кейин эса бу ибораларни ўчириб ташлаган.
Натижаларни партияси тан олган
25-октабр куни ўтказилган президентлик сайловининг иккинчи турида амалдаги давлат раҳбари Луис Инасиу Лула да Силва 51,79 фоиз, Флавиу Болсонару эса 48,21 фоиз овоз олган.
Болсонару натижаларни тан олмаслигини билдирган бўлса-да, 26-октабр куни унинг Либерал партияси мағлубиятни тан олган.
Мактубда сиёсатчи Луланинг ғалабаси қонунбузилиш ва коррупсиялашган суд тизими ҳисобига қўлга киритилганини даъво қилган. У хориждан туриб Бразилияда демократия учун курашга бощилик қилишини, Лула да Силванинг «диктаторлик режими» ўрнатишига йўл қўймасликни исташини ёзган.
Бироқ мурожаатда сайлов сохталаштирилганига доир аниқ далиллар келтирилмаган.
Чиқиш тақиқидан кейин Маямига борган
Хабарга кўра, 26-октабр куни Болсонаруга мамлакатдан чиқиш тақиқланган ва оддий ҳамда дипломатик паспортларини топшириш ҳақида Олий суд қарори берилган. Бу коррупсия, пул ювиш ва солиқ тўлашдан бўйин товлашга оид терговлар билан боғлиқ.
Аргентина миграция идораси маълумотига кўра, Болсонару рафиқаси Фернанда ва икки қизи билан Бразилия чегарасидаги Танкреду Невис пункти орқали Аргентинага кирган. Идора улар амалдаги сафар ҳужжатларини тақдим этгани ва кириш учун ҳуқуқий тўсиқлар бўлмаганини билдирган.
ДВ ёзишича, сиёсатчи Аргентинадан Эквадорга, у ердан эса Маямига йўл олган бўлиши мумкин. У паспортларини топшириш ҳақидаги суд талабини бажарган-бажармагани номаълум. ОАВ унинг Италия фуқаролиги ҳам борлигини хабар қилган.
Болсонару мактубида АҚШ президенти Доналд Трамп ва Аргентина президенти Хавьер Милейга қўллаб-қувватлов учун миннатдорлик билдирган.
Бразилияда мурожаат танқид қилинди