Саудия АҚШдан ҳусийларга қарши урушга бощилик қилишни сўради, Вашингтон рад этди — Кан Невс

Кан Невс хабарига кўра, Саудия Арабистони АҚШдан Ямандаги ҳусийларга қарши ҳарбий операцияга раҳбарлик қилишни сўраган, бироқ Вашингтон бу таклифни рад этган. Бу маълумот Исроил телеканали томонидан ҳусийларга қарши курашаётган кучлардаги манбага таяниб эълон қилинган.

Ушбу масала 14-август куни Саудия валиаҳд шаҳзодаси Муҳаммад бин Салмон ва АҚШ Марказий қўмондонлиги раҳбари адмирал Бред Купер ўртасидаги учрашувда муҳокама қилинган.

Телеканалнинг хабар беришича, Саудия Арабистони АҚШдан рад жавобини олган. Вашингтоннинг бу қарори, жумладан, ҳусийларнинг Қизил денгиздаги Америка кемаларига ҳужум қилмаётгани билан изоҳланган. Шунга қарамай, АҚШ томони ҳусийларга қарши ҳарбий ҳаракатларни қўллаб-қувватлашга тайёрлигини билдирган.

Кан Невс таъкидлашича, "Ар-Риёднинг бу илтимоси қироллик аввалги тажрибасини ҳисобга олган ҳолда яна 'Яман ботқоғи'га тортилиб кетишни истамаётганини кўрсатади. АҚШнинг рад жавоби эса Вашингтон Яқин Шарқдаги яна бир ҳарбий фронтга бощилик қилишни истамаётганидан далолат беради".

**Саудия Арабистони ва ҳусийлар ўртасидаги қарама-қаршилик**

Яманда амалда икки марказий ҳокимият мавжуд. Халқаро миқёсда тан олинган ҳукумат асосан мамлакатнинг жануби ва шарқини назорат қилса, ҳусийлар пойтахт Сана ҳамда шимол ва ғарбнинг катта қисмини бошқаради.

Ар-Риёд ва ҳусийлар ўртасидаги зиддият июл ойида кескинлашган. Ўшанда яманлик гуруҳ Саудия Арабистонининг жануби-ғарбидаги Абҳа шаҳридаги халқаро аеропортга зарба берганини маълум қилган.

Бундан ташқари, ҳусийлар қироллик ҳудудидаги Жизон вилоятига ракета зарбаси берганини ўз зиммасига олган. 20-июл куни эса Саудия Арабистонига қарши денгиз блокадаси эълон қилинган эди.

Бунга жавобан Ар-Риёд Ямандаги ҳусийлар обьектларига зарбалар берган. Ҳусийларнинг сўнгги ҳужумларидан бири 24-август куни содир бўлган бўлиб, гуруҳ Қизил денгиздаги Янбу порт шаҳри яқинида Саудия Арабистонига тегишли нефт танкерига ҳужум қилган.

Тҳе Нев Ёрк Тимес газетаси Саудия Арабистони Яман ҳусийларига қарши ҳарбий ҳаракатларни қайта бошлашга тайёргарлик кўраётгани ҳақида ёзган эди. Бу АҚШнинг Эрон ва унинг иттифоқчиси бўлмиш ҳусийларга қарши урушида янги фронт бўлиши тахмин қилинган.