Самарқандда эркак итни скутерга бойлаб, уни асфальт бўйлаб судраб кетди. Аҳоли текширув ўтказилишини талаб қилмоқда
Самарқандда эркак киши итни скутерга боғлаб, асфальт бўйлаб судраб кетди. Aҳоли текширув ўтказилишини талаб қилмоқда
Самарқандда гувоҳлар ҳайвонга нисбатан шафқатсиз муомалада бўлиш эҳтимоли ҳақида сўзлаб беришди. Уларнинг сўзларига кўра, эркак киши итни скутерга боғлаб, асфальт бўйлаб судраб кетган ва фақат воқеани видеога ола бошлаган туристларнинг эътирозларидан кейингина тўхтаган. Бундан сўнг ит ўз оёқларида мустақил тура олмаган.
Бу ҳақда ҳуқуқ ҳимоячиси ва жамоат арбоби Елена Бабенкога ҳайвонга нисбатан шафқатсиз муомала ҳолатини ошкор қилиш илтимоси билан шахсий хабарларда маълум қилишган.
Гувоҳларнинг хабар беришича, эркак скутерда кетаётган бўлган ва ортидан боғланган итни судраб борган. Унинг ёнида икки нафар бола бўлган. Фақат туристлар норозилик билдириб, содир бўлаётган ҳодисани видеога олишни бошлаганидагина у тўхтаган. Ит ерда ётган ва ўрнидан тура олмаган. Тaшқи белгиларига кўра, унинг оёқлари жиддий шикастланган бўлиши мумкин.
Гувоҳлар ҳуқуқни муҳофаза қилиш органларига ариза билан мурожаат қилишмоқчи, бироқ кенг жамоатчилик эътиборисиз ушбу ҳодиса тегишлича ўрганилмасдан қолишидан хавотирда.
Эндиликда Самарқанд ҳуқуқни муҳофаза қилиш органларининг муносабати кутилмоқда, улар юз берган ҳодиса ҳақидаги маълумотни текшириши ва унга ҳуқуқий баҳо бериши керак.
Итнинг аҳволи ҳақида ҳозирча маълумот йўқ.
Аввалроқ Тошкентда катталар мушукнинг бўйнига арқон боғлаб, уни болага топширгани акс этган видео муаллифи ҳайвонга шафқатсиз муомалада бўлгани учун жаримага тортилган эди.