Самарқанд вилоятидаги корхона қарздорлиги йўқлигига қарамай, ноқонуний равишда электр тармоғидан узиб қўйилди
Самарқанд вилоятидаги «B.N.V.A.» МЧЖ корхонаси электр энергиясидан қарздорлиги бўлмаса-да, тармоқдан узиб қўйилган. Раҳбарнинг Бизнес-омбудсманга мурожаатидан сўнг электр энергияси таъминоти қайта тикланди. Бу ҳақда Бизнес-омбудсман хабар берди. Текширув шуни кўрсатдики, узилиш ташқи омиллар ва ягона энергетика тизимидаги ҳисоб-китоблардаги узилишлар сабабли юз берган. Оқибатда ишлаб чиқариш тўхтаб қолган, компания эса зарар кўрган. Бундан ташқари, корхона […]
Самарқанд вилоятидаги «B.N.V.A.» МЧЖ корхонаси электр энергиясидан қарздорлиги бўлмаса-да, электр тармоғидан ноқонуний узиб қўйилган эди. Корхона раҳбарининг Бизнес-омбудсманга қилган мурожаатидан сўнг электр таъминоти қайта тикланди. Бу ҳақда Бизнес-омбудсман хабар берди.
Текширув шуни аниқладики, узилиш ташқи омиллар ва ягона энергетика тизимидаги ҳисоб-китоблардаги узилишлар сабабли юз берган. Бунинг оқибатида ишлаб чиқариш тўхтаб қолган ва компания зарар кўрган.
Бундан ташқари, корхона етказиб берилган электр энергияси учун электрон ҳисоб-фактураларни ўз вақтида ололмаган, бу эса солиқ ҳисоботларини тайёрлашни қийинлаштирган.
Бизнес-омбудсман девони ходимлари «Ўзэнергоинспекция» Самарқанд ҳудудий бошқармаси мутахассислари билан биргаликда текширув ўтказди.
Унинг натижаларига кўра, корхонанинг электр таъминоти тўлиқ тикланди. Бундан ташқари, «ҲЭТ» АЖ «Энергосоздо» филиалининг Ургут туман бўлими умумий суммаси 118,9 млн сўмлик кечиктирилган электрон ҳисоб-фактураларни юклаб берди.