Самарқанд вилоятида оғир хасталикларга чалинган болаларга уйда ёрдам кўрсатиш бошланди
28 сентябрдан бошлаб Самарқанд вилоятида мутахассислар оғир даволанмайдиган касалликларга чалинган болаларнинг хонадонига ташриф буюрмоқда. Улар оғриқ ва бошқа симптомларни енгиллаштиришга ёрдам беради, ота-оналарга болага ғамхўрлик қилишни ўргатади. Миллий ижтимоий ҳимоя агентлиги маълумотларига кўра, минтақадаги 300 дан ортиқ болага шундай ёрдам керак. «Биз боланинг ташхисини ўзгартира олмаймиз, лекин унинг ҳар бир кунини ўзгартиришимиз мумкин», […]
Самарқанд вилоятида оғир хасталикка чалинган болаларга уйда ёрдам кўрсатила бошланди
28 сентябрдан бошлаб Самарқанд вилоятида мутахассислар оғир даволанмайдиган хасталикларга чалинган болаларнинг хонадонига ташриф буюра бошладилар. Улар оғриқ ва бошқа симптомларни камайтиришга ёрдам беради, шунингдек, ота-оналарга болани парвариш қилишни ўргатади. Миллий ижтимоий ҳимоя агентлиги маълумотларига кўра, минтақадаги 300 дан ортиқ болага шундай ёрдам зарур.
«Биз боланинг ташхисини ўзгартира олмаймиз, лекин унинг ҳар бир кунини ўзгартиришимиз мумкин», — деди агентлик директорининг биринчи ўринбосари Шаҳноза Мирзиёева.
Сайёр гуруҳ таркибига тиббиёт ходимлари, ижтимоий ходимлар ва психологлар киради. Улар боланинг аҳволини баҳолайди, индивидуал парвариш режасини ишлаб чиқади ҳамда оғриқ ва бошқа симптомларни назорат қилишга ёрдам беради. Ота-оналарга ҳам болаларни парвариш қилиш кўникмалари ўргатилади.
«Инсон» ижтимоий хизматлар марказлари ҳар бир бола учун алоҳида йиғмажилд очади ва оилаларга керакли ёрдамни олишда кўмаклашади. Хусусан, болаларга махсус ногиронлар аравачалари, вертикализаторлар, функционал каравотлар ва ётоқ яраларига қарши матраслар берилади.
Бир вақтнинг ўзида Миллий ижтимоий ҳимоя агентлиги болалар хосписини қурмоқда. Сайёр ёрдам билан бир қаторда, у паллиатив ёрдам — оғир хасталикларда оғриқни енгиллатиш ва ҳаёт сифатини яхшилашга қаратилган ёрдамнинг ягона тизими қисмига айланади.
Шаҳноза Мирзиёеванинг сўзларига кўра, нафақат боланинг ташхисини, балки унинг эҳтиёжлари, истаклари ва жамият ҳаётида иштирок этиш ҳуқуқини ҳам ҳисобга олиш муҳимдир. Ёрдам оилага уйида ёки хосписда — боланинг аҳволи ва эҳтиёжларига қараб олиш имконияти бўлиши керак.