Саида Мирзиёева Қатар амири билан учрашди
Ўзбекистон Президенти Администрацияси раҳбари Саида Мирзиёева Доҳа шаҳрида Қатар амири шайх Тамим бин Ҳамад Ол Соний билан учрашди. Улар икки мамлакат ўртасидаги ҳамкорлик ва янги қўшма ташаббусларни муҳокама қилди.
Саида Мирзиёева Қатар амири билан учрашув ўтказди
Ўзбекистон Президенти Администрацияси раҳбари Саида Мирзиёева Доҳага сафари чоғида Қатар амири шайх Тамим бин Ҳамад Ол Соний билан учрашди.
“Унга президент Шавкат Мирзиёевнинг самимий саломи ва энг эзгу тилакларини етказдим”, — деб ёзди Саида Мирзиёева ўзининг Телеграм каналида.
“Ўзбекистон ва Қатарни дўстона ҳамда юксак ишончга асосланган ришталар боғлаб туради, бу ҳамкорлик йилдан-йилга мустаҳкамланиб бормоқда. Мулоқот чоғида ўзаро алоқаларни янада кенгайтириш ва янги қўшма ташаббусларни илгари суриш масалаларини муҳокама қилдик. Шубҳасиз, мамлакатларимиз ўртасида муштарак манфаатлар ҳамда янги истиқболли лойиҳаларни амалга ошириш учун улкан имкониятлар мавжуд”, — дея қўшимча қилди Саида Мирзиёева.
Газета аввалроқ Доҳа шаҳрида Президент Администрацияси раҳбари Ўзбекистоннинг маданий мероси ва унинг шаклланишида исломнинг ўрнига бағишланган “Узбекистан: Ҳеритаге ин Мотион” кўргазмасининг очилишида қатнашгани ҳақида хабар берган эди.
Бу Маданият ва санъатни ривожлантириш жамғармаси ҳамда Ислом санъати музейининг (Мусеум оф Исламис Арт) қўшма лойиҳасидир.