Саида Мирзиёева Қаршидаги канал бўйи ҳудудини ободонлаштириш режалари ҳақида маълум қилди
Қаршида «Чап тармоқ» каналини бетонлаштириш ва унинг қирғоқларини ободонлаштириш режалаштирилмоқда. Ишлар яқин орада бошланади. Бу ҳақда Президент Администрацияси раҳбари Саида Мирзиёева Қашқадарё вилоятининг ижтимоий-иқтисодий ривожланиши билан танишиш якунлари бўйича ўзининг Telegram-каналида маълум қилди.
Саида Мирзиёева Қаршидаги канал бўйи ҳудудини ободонлаштириш режалари ҳақида сўзлаб берди
Саида Мирзиёеванинг сўзларига кўра, каналнинг бетонланиши 1,4 минг гектар ерни сув билан таъминлаш имконини беради. Бундан ташқари, унинг ёқасида кечаю кундуз ишлайдиган дам олиш зоналари ва пиёдалар йўналишлари пайдо бўлади. Улардан ён-атрофдаги тўртта маҳалланинг 25 минг нафар аҳолиси фойдаланиши кўзда тутилган.
«Минтақа учун сув таъминоти масаласи айниқса долзарбдир, шунинг учун биз ушбу мавзуга устувор аҳамият қаратдик», — дейилади хабарда.