Саида Мирзиёева БМТда нутқ сўзлайди
БМТ Бош Ассамблеясининг йиллик сессияси очиларкан, Ўзбекистондан Президент Администрацияси раҳбари Саида Мирзиёева олий минбардан нутқ сўзлайди. 21-сентабр куни у Ню Ёркда ташкилот бош котиби билан учрашди, дея хабар бермоқда Кун.узънинг АҚШдаги мухбири.
Саида Мирзиёева БМТ минбарида нутқ сўзлайди
БМТ Бош Ассамблеясининг 81-сессияси 8-сентабрдан бошланган бўлиб, 29-сентабргача давом этади. Олий ҳафтада эса одатдагидек аъзо давлатлардан президентлар, бош вазирлар, ташқи ишлар вазирлари ҳамда ҳукумат раҳбарлари иштирок этади. Ўзбекистон номидан Президент Администрацияси раҳбари Саида Мирзиёева БМТнинг олий минбаридан нутқ қилади.
21-сентабр куни БМТ бош котиби кўплаб делегатлар қаторида Саида Мирзиёева билан ҳам учрашиб, суҳбатлашди.
«Ўзбекистон ва БМТ биргаликда ривожлантириб келаётган барча ҳамкорлик йўналишларини гаплашдик», дейди Саида Мирзиёева ўзининг шахсий саҳифаларида.
Шунингдек, у хавфсизликнинг барча асосий йўналишларида Ўзбекистонни қўллаб-қувватлаб келаётгани учун Гутерришга миннатдорлик билдирди.
Мирзиёеванинг нутқи АҚШ вақти билан 23-сентабрга тўғри келиши кутилмоқда. У Ню Ёркда бир қатор икки томонлама учрашувлар ҳам ўтказади.