Россиялик рекордчи футболчи Артем Дзюба фаолиятини якунлаганини эълон қилди
Россиялик рекордчи футболчи Артем Дзюба фаолиятини якунлаганини эълон қилди
Россиялик футболчи Артем Дзюба профессионал фаолиятини якунлаганини маълум қилди. Бу ҳақда 38 ёшли ҳужумчи ОАВга берган интервьюсида айтиб ўтди.
Спортчи ўз фаолияти амалда якунига етганини, бироқ буни расман эълон қилиш нияти йўқлигини таъкидлади. Унинг сўзларига кўра, майдонга тушиш учун ягона имконият медиажамоалардан бири таркибида Россия Кубоги ўйинларида эҳтимолий иштирок этиш бўлиб қолмоқда. Ҳужумчининг сўнгги клуби Тольяттининг "Акрон" жамоаси бўлиб, у ерда 2024 йилдан буён тўп сурган ва шундан сўнг жамоасиз қолган эди.
Артем Дзюба Россия футболи ва миллий терма жамоаси тарихидаги энг кўп гол урган рекордчи футболчи ҳисобланади. Фаолияти давомида у "Спартак", "Томь", "Ростов", Туланинг "Арсенал", Туркиянинг "Адана Демирспор" ва "Локомотив" каби клубларда ўйнаган.
Ҳужумчи энг катта муваффақиятларига "Зенит" таркибида эришган бўлиб, ушбу жамоа билан тўрт марта Россия чемпиони бўлган, шунингдек, уч марта мамлакат Кубоги ва тўрт марта Суперкубогини қўлга киритган. Россия терма жамоаси сафида ҳужумчи 56 та ўйин ўтказиб, 2016 ва 2021 йилги Европа чемпионатларида ҳамда 2018 йилги уй соҳиби сифатида ўтган жаҳон чемпионатида иштирок этган.