Россияда 12 та машина билан тўқнашиб, уч кишининг ўлимига сабаб бўлган Ўзбекистон фуқароси қамалди
Россияда 12 та машина билан тўқнашиб, уч кишининг ўлимига сабаб бўлган Ўзбекистон фуқароси қамалди
Россияда 12 та машина билан тўқнашиб, уч кишининг ўлимига сабаб бўлган ўзбекистонлик ҳайдовчи 9 йилга колонияга ҳукм қилинди. Бу ҳақда Уфа шаҳрининг туман суди ҳукмига таяниб, “Коммерсант” хабар берди.
28 ёшли Ўзбекистон фуқароси ҳайдовчилик гувоҳномасига эга бўлмаган. У эҳтиёцизлик оқибатида икки ёки ундан ортиқ кишининг ўлимига сабаб бўлганлик (РФ ЖК 264-моддаси 6-қисми “в” банди) да айбдор деб топилган. Ҳодиса 2025-йил октябр ойида юз берган. Ўзбекистонлик эркак Шасман русумли юк самосвалини тегишли ҳайдовчилик гувоҳномасига эга бўлмасдан бошқарган.
У ташилаётган юк оғирлигини белгиланган меъёрдан оширган, транспорт воситасининг ҳолатини, йўл шароитини ҳисобга олмаган ва тезликни ошириб ҳайдаган.
Натижада юк машинаси бошқарувдан чиқиб, Уфа шоссеси ва Чудская кўчаларининг тартибга солинадиган чорраҳасига яқинлашганда 12 та автомобил билан тўқнашган. Оммавий авария оқибатида уч киши ҳалок бўлган, бир йўловчи оғир тан жароҳати олган.
Суд ўзбекистонлик эркакка жазони ўтаб бўлганидан кейин автомобил бошқаришни уч йилга тақиқлади.