Россия ҳарбий бюджетни тўлдириш учун 1998-йилдан бери энг йирик олтин сотувини ўтказди
«Банк России» кетма-кет ўнинчи ой бюджет тақчиллигини қоплаш операциялари доирасида ўз захираларидаги олтинни сотишда давом этмоқда; бу йил ушбу тақчиллик дастлабки режалардан икки баробар ошиб, 7,3 триллион рублни ташкил этади.
Россия ҳарбий бюджетни тўлдириш мақсадида 1998-йилдан бери энг йирик олтин сотувини амалга оширди.
Декабр ойида Марказий банк сўнгги ўн йилликлардаги энг катта сотувни бошлаганидан бери унинг захираларидаги олтин ҳажми 2 миллион троя унсиясига, яъни тахминан 62 тоннага қисқарди.
Шундан сўнг Кремл захираларда фақат олтин жамлаб борди ва 1990-йилларнинг охиридан буён олтин захирасини беш баробардан ҳам кўпроққа оширди. 2022-йил бошига келиб у 74 миллион троя унсияси ёки 2,3 минг тоннани ташкил этиб, ҳажми жиҳатидан дунёда бешинчи ўринда эди.
Сотилган Россия олтинининг бир қисми Хитойга йўналяпти — у жорий йилда Россиядан қимматбаҳо металл харидларини тарихий рекорд даражагача оширди. Хитой божхона бошқармаси маълумотларига кўра, январ-июл ойларида Ҳонконгга Россияда қазиб олинган қарийб 100 тонна олтин олиб кирилган — бу ўтган йилнинг шу даврига нисбатан уч баробар кўп.
Дунёдаги энг йирик Лондон бозори Россия олтини учун эшикларини ёпганидан сўнг, россиялик етказиб берувчилар экспортни шарққа бурмоқда.