Россия билан музокара тарафдори Болгария сайловида етакçилик қилмоқда
Россия билан музокара öтказиş тарафдори бöлган амалдаги президент Илияна Ётова Болгария президентлик сайловининг иккинçи турида етакçилик қилмоқда. Экзитполлар ва параллел саноқлар унинг устунлигини кöрсатган, европапараст рақиби Андрей Гюров эса маğлубиятини тан олган.
Россия билан музокараларни қўллаб-қувватловчи номзод Болгария сайловида пешқадам бўлди
Болгария миллий радиоси хабарига кўра, 1-ноябр куни ўтказилган овоз бериш якунлари бўйича «Мяра» агентлиги ўтказган параллел ҳисобда Ётова ва вице-президентликка номзод Кирилл Вилçев жуфтлиги 58,2 фоиз овоз тўплаган.
Собиқ бош вазир Андрей Гюров ва Георги Кандев жуфтлигини эса 38,6 фоиз сайловчи қўллаб-қувватлаган.
Алпҳа Ресеарч агентлигининг параллел саноғида ҳам Ётова олдинда — унинг натижаси 57,4 фоизни, Гюровники эса 39,6 фоизни ташкил этган. Бу кўрсаткичлар расмий якуний натижалар эмас.
Андрей Гюров брифингда мағлубиятини тан олиб, натижалар ўзи учун кутилмаган бўлса-да, уларни қабул қилишини айтган. Унинг фикрича, Болгарияни «оғир даврлар» кутмоқда, аммо мамлакат умумий вазифаларни ҳал қилиш учун бирлашиш йўлларини излаши керак.
«Ҳеч нарса беҳуда бўлмади, энг яхшиси ҳали олдинда. Биз ривожланиш учун яхши асос яратдик», - деган Гюров.
Агар расмий натижалар ҳам Ётованинг ғалабасини тасдиқласа, у Болгарияда президентлик сайловида ғалаба қозонган биринчи аёл бўлади. Ётова 2026-йил январда Румен Радев муддатидан олдин истеъфога чиққанидан сўнг вице-президент лавозимидан давлат раҳбарлигига ўтган эди.
«Мяра» агентлиги маълумотига кўра, иккинчи турда сайловчиларнинг 27,2 фоизи овоз беришда қатнашган. Бу биринчи турдаги 23 фоизлик кўрсаткичдан бироз юқори.
25-октабрда ўтказилган биринчи турда президентлик учун курашган 27 номзоднинг ҳеч бири ғалаба учун зарур кўпчилик овозни тўплай олмаган. Ётова 34,76 фоиз, Гюров 31,95 фоиз овоз олган. Миллатчи «Уйғониш» партияси вакили Костадин Костадиновни эса 12,54 фоиз сайловчи қўллаб-қувватлаган.
ДВ қайд этишича, бу сайлов Болгариянинг ташқи сиёсати, жумладан, Россиянинг Украинага қарши урушига муносабати ва Москва билан алоқалари нуқтаи назаридан муҳим ҳисобланади.
Собиқ журналист ва Европа парламенти депутати Ётова, ўзидан аввалги президент Румен Радев каби, сиёсий рақибларига нисбатан Россияга илиқроқ муносабатда. Гюров эса европапараст қарашларни илгари суриб, либерал-консерватив мухолифат қўлловига таянган.
Болгария президенти беш йил муддатга сайланади. Биринчи турда ғалаба қозониш учун сайловчиларнинг камида ярми иштирок этган шароитда овозларнинг ярмидан кўпини олиш талаб қилинади. Акс ҳолда, энг кўп овоз олган икки номзод иккинчи турда курашни давом эттиради.