Ренаулт ретро услубдаги янги спорт купени намойиш этди
Ренаулт Р8 Гордини Сонсепт 1960-йиллардаги спорт седани услубида ишланган. Модел оммавий ишлаб чиқаришга чиқмайди.
Ренаулт ретро услубдаги янги спорт купени тақдим этди
Ренаулт компанияси 1960-йиллардаги Ренаулт 8 Гордини спорт седанидан илҳом олган консептуал купени намойиш қилди.
Аллақачон ишлаб чиқарилаётган Р4 ва Р5 ретро моделларидан фарқли равишда, бу консепт серияли ишлаб чиқаришга чиқмайди, бироқ унинг дизайнидаги айрим ечимлар келажакдаги моделларга асос бўлиши мумкин.
Асл Ренаулт 8 Гордини 1964-йилда тоғ йўллари учун мўлжалланган, орқа двигателли ва орқа ғилдираклари етакчи бўлган оилавий седаннинг кучайтирилган талқини сифатида дебют қилган. Модел деярли икки баравар кўп қувват, пасайтирилган клиренс, кучайтирилган тормозлар, тўртта ёки олтита думалоқ фара, шунингдек, оқ пойга чизиқлари туширилган ўзига хос кўк рангга эга эди.
Янги Р8 Гордини Сонсепт — паст ва кенг силуетли икки ўринли электр купе. Олд қисмида радиатор панжарасининг йўқлиги, олтита думалоқ ЛЕД фарали В шаклидаги капот ажралиб туради. Орқа чироқлар кузов билан бир текис жойлашган бўлиб, улар ўчирилганида деярли кўринмайди. Ташқи безаклар орасида ҳаво тортгичли спорт бампери, кенгайтирилган ғилдирак аркалари, орқа устунлардаги қотирмалар, томдаги спойлер, орқа қисмдаги вентиляция панжараси ва катта диффузор ҳам бор. Кузов карбон билан безатилган ва анъанавий кўк-оқ рангга бўялган.
Ренаулт техник тафсилотларни жуда кам ошкор қилди. Маълум бўлишича, консепт 266 от кучига эга битта электромотор билан жиҳозланган ва тортиш кучини орқа ўққа узатади.
Компания маълумотига кўра, дизайнерлар 300 дан ортиқ эскиз тайёрлаган. Асосий мақсад «ҳам меросга, ҳам замонавийликка таянган ҳолда ҳиссиётларни уйғотиш» бўлган.
Шу билан бирга, консепт оммавий ишлаб чиқарилмайди. Оммавий премьера Ренаулт Сарвалк тадбирида бўлиб ўтади, ундан сўнг купе Париж автосалонида намойиш этилади. Кейинроқ консепт Ренаулт Соллестионс музейига топширилади.