Феррари компанияси 296 ГТ суперкарини тақдим этди
Феррари 730 от кучига эга 296 ГТ Модифисата суперкарини тақдим этди. Янги модел 296 ГТ3 Эво моделига асосланган бўлиб, трекдаги пойгалар учун мўлжалланган.
Феррари компанияси 296 ГТ суперкарини тақдим этди
Феррари компанияси номида ГТ Модифисата қўшимчаси бор 296 суперкарининг янги талқинини намойиш қилди.
Автомобил 296 ГТ3 Эво пойга модели негизида ишлаб чиқилган.
Двигател 730 от кучи ва 800 Н·м айланувчи лаҳзага эга модернизация қилинган 2,9 литрли В6 турбомотордан иборат. Муҳандислар турбокомпрессорлар, тирсакли вал, шунингдек, машинанинг ҳаво тортиш тизими ва интеркулерларини такомиллаштирди. Бундан ташқари, спорткар паст босимли янги ёнилғи насосига эга бўлди. Шу билан бирга, Феррари ҳозирча суперкарнинг аниқ хусусиятларини ошкор қилмаяпти.
Бундан ташқари, ГТ Модифисата моделига янги аеродинамик пакет қўшилди. Унга қуйидагилар киради: ўзгартирилган олд сплиттер, йирик ҳаво ютгичлар ва катталаштирилган пластиналарга эга йирик антиқанот.
Суперкар салонида олти нуқтали хавфсизлик камарларига эга чўмичсимон ўриндиқлар ўрнатилди. Ҳайдовчи учун орқа кўриниш камераси, шиналардаги босим датчиклари, махсус В-Бох ўлчов мажмуаси ва Босч телеметрияси мавжуд.
Янги моделнинг нархи эълон қилинмаган. Ҳозирча фақат машина чекланган ададда ишлаб чиқарилиши маълум.