Режиссёр Мария Мусакова президент фармонига биноан "Келажак бунёдкори" медали билан тақдирланди
Режиссёр Мария Мусакова Президент фармонига кўра "Келажак бунёдкори" медали билан мукофотланди
Ўзбекистон Президенти "Фокус" кино ва театр мактаби асосчиси, кинорежиссёр Мария Зульфихаровна Мусаковани "Келажак бунёдкори" медали билан мукофотлаш тўғрисидаги фармонни имзолади.
У ушбу юксак давлат мукофотига миллий кинематографияни ривожлантириш ва миллий кино санъатини жаҳон майдонида тарғиб қилишга қўшган салмоқли ҳиссаси учун сазовор бўлди.
Ҳужжатда "Голоса" ("Овозлар") ҳужжатли фильмининг АҚШ, Германия ва Покистондаги нуфузли халқаро кинофестивалларда муваффақиятли иштирок этиб, фахрли ўринларни эгаллагани алоҳида таъкидланган.
Режиссёр, шунингдек, ёш истеъдодларни қўллаб-қувватлаш, уларнинг ижодий салоҳиятини юзага чиқариш ҳамда ўсиб келаётган авлодни миллий анъана ва қадриятларга ҳурмат руҳида тарбиялаш борасидаги фаол меҳнати учун ҳам эътироф этилган.