Шавкат Мирзиёев ФАОнинг олий мукофоти — «Agricola» медали билан тақдирланди
Ўзбекистон Президенти Шавкат Мирзиёев 6 октябрь куни ФАО бош директори Цюй Дунъюй билан учрашди. Учрашув давомида давлат раҳбари ташкилотнинг олий мукофоти — «Agricola» медали билан тақдирланди. Томонлар озиқ-овқат хавфсизлиги ва қишлоқ хўжалигини ривожлантириш соҳасидаги келгуси ҳамкорликни муҳокама қилдилар. Сўнгги йиллардаги ҳамкорликдаги ишларнинг натижалари қайд этилди. Ҳозирда 27 та қўшма лойиҳа амалга оширилмоқда, шунингдек, янги беш йиллик шериклик дастури қабул қилинган. […]
Шавкат Мирзиёев ФАОнинг олий мукофоти — «Agricola» медали билан тақдирланди
6 октябрь куни Ўзбекистон президенти Шавкат Мирзиёев ФАО бош директори Цюй Дунъюй билан учрашув ўтказди. Музокаралар доирасида давлат раҳбари ташкилотнинг олий мукофоти — «Agricola» медали билан тақдирланди.
Томонлар озиқ-овқат хавфсизлиги ва қишлоқ хўжалигини ривожлантириш соҳасидаги келгусидаги ҳамкорлик истиқболларини кўриб чиқдилар. Сўнгги йиллардаги ҳамкорликдаги ишлар сезиларли натижалар бергани таъкидланди. Ҳозирги вақтда 27 та қўшма лойиҳа амалга оширилмоқда, шунингдек, янги беш йиллик шериклик дастури тасдиқланган.
Ўзбекистон илк бор ФАО Кенгашининг 2028–2029 йиллардаги таркибига кирди. Бундан ташқари, 7 октябрь куни Тошкентда денгизга чиқиш имконияти бўлмаган ривожланаётган мамлакатлар учун Агроинновацион хабни ишга тушириш режалаштирилган.
Учрашувда қишлоқ хўжалигини рақамлаштириш, сунъий интеллектни жорий этиш, иқлим молиялаштириши ва мутахассислар тайёрлашга алоҳида эътибор қаратилди.
«Agricola» медалини Цюй Дунъюй Шавкат Мирзиёевга унинг озиқ-овқат хавфсизлиги, қишлоқ ва сув хўжалиги соҳасидаги ташаббуслари ва ютуқлари эътирофи рамзи сифатида топширди. ФАО мукофоти 1977 йилда таъсис этилган бўлиб, очликка қарши курашиш ва озиқ-овқат хавфсизлигини таъминлашга қўшган ҳиссаси учун берилади.