Регион коменданти генерал унвонига кўтарилди
Президент Шавкат Мирзиёев Қорақалпоғистон Жўқорғи Кенгеси раиси Аманбай Оринбаевга генерал-майор махсус унвонини берди
Ҳудуд коменданти генерал даражасига кўтарилди
Президент Шавкат Мирзиёев Қорақалпоғистон Жўқорғи Кенгеси раиси Аманбай Ўринбоевга генерал-майор махсус унвонини берди. Бу ҳақда Қорақалпоғистонни ижтимоий-иқтисодий ривожлантириш масалаларига бағишланган йиғилиш якунлари бўйича маълум бўлди.
Унвон Ўринбоевнинг ички ишлар органлари тизимидаги кўп йиллик хизмати, шунингдек, Қорақалпоғистонни ривожлантириш, аҳоли фаровонлиги, хавфсизлиги ва тинч ҳаётини таъминлаш, жамиятда ўзаро ҳурмат, бирлик ва ҳамжиҳатликни сақлаш ҳамда мустаҳкамлашга қўшган ҳиссаси эътирофи сифатида берилди.
Аманбай Ўринбоев 2016–2017 йилларда Нукус шаҳар ички ишлар бошқармасига раҳбарлик қилган. 2017 йил май ойидан Қорақалпоғистон ИИВ Жиноят қидирув бошқармаси бошлиғи бўлган, 2019 йил март ойидан 2020 йил февраль ойигача эса Қорақалпоғистон ички ишлар вазирининг жамоат тартибини сақлаш бўйича ўринбосари лавозимида ишлаган.
Кейинги икки йил давомида Ўринбоев Ўзбекистон ИИВ Жамоат тартибини сақлаш хизмати бошлиғининг биринчи ўринбосари бўлиб ишлаган. 2022 йил март ойида у Қорақалпоғистон ички ишлар вазири этиб тайинланган.
2022 йил июль ойида Нукусда юз берган воқеалардан кейин Ўринбоев Қорақалпоғистон ИИВ раҳбари лавозимини тарк этди ва республика Вазирлар Кенгаши раисининг экология ва Оролбўйи ҳудудини ривожлантириш масалалари бўйича биринчи ўринбосари этиб тайинланди.
2022 йил август ойида у Қорақалпоғистон Жўқорғи Кенгеси раиси этиб тасдиқланди. Бу лавозимда Ўринбоев соғлиғи ёмонлашгани сабабли лавозимидан озод этишни сўраб ариза ёзган Мурат Камаловнинг ўрнини эгаллади.