Аманбай Оринбаевга генерал-маёр махсус унвони берилди

Аманбай Оринбаевга генерал-маёр махсус унвони топширилди

Нукус шаҳрида Шавкат Мирзиёев раислигида Қорақалпоғистонни ижтимоий-иқтисодий ривожлантириш масалаларига бағишланган йиғилиш ўтказилди.

Унда тадбиркорлик, таълим, тиббиёт ва чорвачилик каби бир қатор йўналишлар юзасидан фикр алмашилди.

Йиғилиш якунида Қорақалпоғистон Республикаси Жўқорғи Кенгеси раиси Аманбай Оринбаевга генерал-маёр махсус унвони берилди.

Мазкур унвон Оринбаевнинг ички ишлар органлари тизимидаги кўп йиллик самарали меҳнати, Қорақалпоғистонни ҳар томонлама ривожлантириш, аҳоли фаровонлиги, хавфсизлиги ва осойишта ҳаётини таъминлаш, жамиятда меҳр-оқибат, аҳиллик ва тотувликни асраш ҳамда мустаҳкамлаш борасидаги катта хизматлари учун топширилди.