Қуёş энергетикаси илк бор атом энергетикасини ортда қолдириşи кутилмоқда
ББС келтирган прогнозга кöра, 2026-йил охирига бориб қуёş энергетикасининг жаҳон электр энергияси иşлаб çиқариşидаги улуşи 10 фоизга етади. Şу тариқа у электр иşлаб çиқариş ҳажми бöйиçа илк бор атом энергетикасидан öзиб кетиşи кутилмоқда.
Қуёш энергетикаси илк бор атом энергетикасини ортда қолдириши кутилмоқда
Оксфорд университетининг энергетика сиёсати ва иқлим бўйича профессори Ян Розенов ББСъга қуёш энергетикаси энергетик ўтишнинг ҳаракатлантирувчи кучига айланганини айтган.
Нашр маълумотига кўра, сўнгги 26 йилда дунё атом электр стансияларида ишлаб чиқариладиган электр энергияси ҳажми умумий ҳисобда деярли ўзгармаган. Қуёшдан электр олиш эса шу даврда тахминан 2700 баравар кўпайган.
Бу ўсишда Хитойнинг ўрни катта. Мамлакатдаги улкан ишлаб чиқариш қувватлари фотоелектрик тизимлар нархининг кескин пасайишига олиб келган.
АҚШда эса атом энергетикасини ривожлантиришга умид боғлаган кўплаб стартаплар пайдо бўлган. Бироқ улар таклиф қилаётган янги ядровий технологияларни тижорий фойдаланишга олиб чиқиш жараёни секин кечмоқда.
Шу билан бирга, сўнгги ўн йилликларда АҚШда атом электр стансияларини қуриш қиймати сезиларли ошган. Қуёш энергетикасида эса ускуналар арзонлашиши унинг кенгроқ тарқалишига шароит яратмоқда.
Хабарда АҚШнинг Эронга қарши уруши фонида нефт таъминотидаги узилишлар муқобил энергия манбаларига қизиқишни кучайтиргани ҳам қайд этилган. Кўплаб мамлакатлар учун арзонлашаётган қуёш энергияси энергия таъминотини диверсификация қилишнинг муҳим воситасига айланмоқда.