Қуролми ёки вино шишасими? Хитой Папуа-Янги Гвинеядаги артиллерия снаряди ҳақидаги хабарларни рад этмоқда

**Қуролми ёки вино идишими? Хитой Папуа-Янги Гвинеядаги артиллерия снаряди ҳақидаги хабарларни рад этмоқда**

32 килограммлик объект Порт-Морсбидаги қурилиш майдончасида топилган.

Хитой расмийлари Папуа-Янги Гвинеядаги тижорат юк контейнери ичидан Хитойда ишлаб чиқарилгани гумон қилинган артиллерия снаряди топилгани ҳақидаги хабарларни рад этиб, бу "снаряд шаклидаги вино идиши" эканини таъкидламоқда.

"У ҳеч қандай хавф туғдирмайди", дейилади Хитой элчихонасининг сешанба куни Фaсебоок’даги постида ва бу шубҳали муносабатларга сабаб бўлди.

Порт-Морсби полицияси ўтган жума куни пойтахтдаги қурилиш майдончасида 32 килограммлик объект топилгач, чеч нафар Хитой фуқаросини қўлга олди.

Маҳаллий хабарларда айтилишича, расмийлар у портловчи мослама эканини текширмоқда, полиция комиссари Дэвид Маннинг эса буни "жaдда хавотирли топилма" деб атади.

Чоршанба кунги хабарида Аустралиа Броадцастинг Цорпоратион номи ошкор қилинмаган манбаларга таяниб, ушбу объект кимёвий портловчи моддалар ва портлатгичга эга 130 ммли Хитойнинг Тйпе 59 артиллерия снаряди эканини маълум қилди.

Папуа-Янги Гвинея полицияси аввалроқ ушбу объект "шунчаки муляж" экани ҳақидаги тахминларни рад этган эди, деб хабар берди маҳаллий Пост Цоуриер газетаси.

Билдан, ўз баёнотида Хитой элчихонаси ноқонуний ҳарбий даражадаги артиллерия снарядини Хитойдан Папуа-Янги Гвинеяга контрабанда йўли билан олиб ўтиш "амалда имконсиз" эканини айтди.

"Хитой ўқотар қуролларни назорат қилиш бўйича дунёдаги энг қатиқ қонун ва қоидаларни қўллайди", дейилади баёнотда ва Хитой "глобал миқёсда энг хавфсиз мамлакатлардан бири сифатида тан олингани" қўшимча қилинган.

Баъзи Фaсебоок фойдаланувчилари бунга ишонмадилар.

"Қайси вино идиши 32 килограмм тош босади?" деб ёзган улардан бири.

Яна бир фойдаланувчи ушбу объектда унинг вино идиши эканини кўрсатувчи ҳеч қандай ёрлиқ йўқлигини айтди.