Қозоғистонда пенсионер бомба ҳақидаги ҳазили учун самолётдан тушириб қолдирилди
Қозоғистонда пенсионер бомба ҳақидаги ҳазили учун самолётдан тушириб қолдирилди
Қозоғистонда Олмаота–Оқтов рейси йўловчиси юкида бомба борлиги ҳақида гапиргач, самолётдан тушириб қолдирилди. Ҳодиса 3-сентябр куни Олмаота аеропортида содир бўлди.
Полиция маълумотига кўра, Олмаота аеропорти Транспорт полицияси бошқармаси ходимлари Флярйстан авиакомпанияси топшириғига биноан йўловчини рейсдан тушириб қолдирган.
Бунга йўловчининг “Бу сумкада қўрғошин борми ёки бомбами” деган гапи сабаб бўлган. Шундан кейин транспорт полицияси ва авиация хавфсизлиги ходимлари вазиятга аралашган. Улар йўловчи ва унинг юкини текширган.
“Тақиқланган буюмлар ёки портловчи моддалар топилмади”, деб хабар берди Транспорт полицияси бошқармаси.
Маълум қилинишича, аеропортда одамларни эвакуация қилиш ишлари амалга оширилмаган. Аеропорт одатдаги тартибда ишлашда давом этган.
Шунингдек, бир йўловчи аёл парвоз кечикишининг сабабини тушунтириб берган. Унинг айтишича, ёши катта йўловчи самолёт бортида авиацияда хавфсизликка таҳдид деб баҳоланадиган “Б” ҳарфи билан бошланадиган сўзни айтган.
Аёлнинг сўзларига кўра, гап оғир сумка ҳақида кетган. Экипаж йўловчининг бу гапини пайқаб қолган ва шундан сўнг самолёт капитани жараёнга аралашган.
Йўловчи аёл борт кузатувчилари йўриқномага мувофиқ ҳаракат қилганини ва ўз вазифаларини бажарганини таъкидлади.
Йўловчи жавобгарликка тортилди
Полиция хабарига кўра, эркакка нисбатан майда безорилик айблови қўйилган. Иш ҳужжатлари тегишли қарор қабул қилиш учун судга юборилади. Транспорт полицияси бошқармаси йўловчиларни ҳазиллашиб бўлса ҳам бундай гапларни ишлатмасликка чақирди.
“Биз фуқароларни бундай баёнотларнинг жиддийлигини англашга ва жиноят жавобгарлигига ҳамда қоидабузарнинг ўзи ва атрофдагилар учун салбий оқибатларга олиб келиши мумкин бўлган ъҳазилларъдан тийилишга чақирамиз”, дейилади идора баёнотида.
Остона аеропорти маълумотларига кўра, Қозоғистон Жиноят кодексининг 273-моддасида терроризм ёки бошқа хавфсизликка таҳдид ҳақида билиб туриб ёлғон хабар берганлик учун қатъий чоралар назарда тутилган, жумладан:
5000 бараваргача базавий ҳисоблаш миқдорида жарима; мажбурий жамоат ишлари;
5 йилгача озодликдан маҳрум қилиш.
Таҳдидли баёнот самолёт аеропортда бўлганида янграган. Йўловчилар зудлик билан эвакуация қилинган.