Қозоғистон ва Сурия Дамаскда бизнес-форум ва B2B-учрашувлар ўтказади
Ўзбекистон Савдо-саноат палатаси раиси Даврон Ваҳабов Suriya Савдо-саноат палаталари федерацияси раисининг биринчи ўринбосари Муҳаммад Саид билан онлайн музокаралар ўтказди.
Қозоғистон ва Сурия Дамаскда бизнес-форум ва B2B-учрашувларини ўтказади
Ўзбекистон Савдо-саноат палатаси раиси Даврон Ваҳабов Сурия Савдо-саноат палаталари федерацияси раисининг биринчи ўринбосари Муҳаммад Саид билан онлайн музокаралар ўтказди.
Учрашув давомида томонлар Ўзбекистон, Қозоғистон ва Сурия ўртасидаги савдо-иқтисодий алоқаларни ривожлантириш, шунингдек, уч мамлакат тадбиркорлари ўртасида тўғридан-тўғри ишбилармонлик алоқаларини ўрнатишни муҳокама қилдилар.
Музокаралар якунлари бўйича 10–15 декабрь кунлари Дамаскда уч давлат бизнес вакиллари иштирокида халқаро бизнес-форум ўтказиш бўйича келишувга эришилди.
Форум доирасида тўқимачилик саноати, логистика ва озиқ-овқат саноати йўналишлари бўйича B2B-учрашувлари режалаштирилган. Улар экспорт-импорт салоҳиятини кенгайтириш, янги ҳамкорларни топиш ва қўшма лойиҳаларни амалга оширишга қаратилади.
Бундан ташқари, Сурия томони 29 ноябрь – 5 декабрь кунлари Тошкентда бўлиб ўтадиган «New Uzbekistan: Crossroads of Global Markets» халқаро форумида йирик суриялик тадбиркорларнинг иштирокини таъминлашга тайёрлигини билдирди.
Музокаралар якунида томонлар уч мамлакат ўртасидаги савдо-иқтисодий ҳамкорликни янги босқичга олиб чиқиш ва қўшма лойиҳаларни амалга ошириш бўйича ишларни давом эттиришга келишиб олдилар.
Сурия томони илгари сурилган ташаббусларни тўлиқ қўллаб-қувватлашини маълум қилди.