Қорақалпоғистоннинг икки туманида шифокорлар иш ҳақига 200 фоизгача устама оладилар
1 январдан бошлаб Қорақалпоғистоннинг Бўзатов ва Тахтакўпир туманларидаги шифокорлар иш ҳақига 200 фоизгача устама оладилар. Бу ҳақда Президент Шавкат Мирзиёевнинг ҳудудга ташрифи чоғида маълум қилинди. Ҳозирда бундай тўловларни Мўйноқда фаолият юритаётган тиббиёт ходимлари олмоқда. Ушбу чора чекка ҳудудларда тиббий ёрдамдан фойдаланиш имкониятини оширишга қаратилган. Шу билан бирга, ҳудудда юқори технологияли тиббий хизматлар рўйхати кенгайтирилмоқда. […]
Қорақалпоғистоннинг икки туманида шифокорлар иш ҳақига 200 фоизгача устама оладиган бўлади
1 январдан бошлаб Қорақалпоғистоннинг Бўзатов ва Тахтакўпир туманларидаги шифокорлар иш ҳақига 200 фоизгача устама ола бошлайди. Бу ҳақда Президент Шавкат Мирзиёевнинг ҳудудга ташрифи чоғида маълум қилинди.
Ҳозирги вақтда бундай тўловларни Мўйноқда ишлаётган тиббиёт ходимлари олмоқда. Ушбу чора чекка ҳудудларда тиббий ёрдамдан фойдаланиш имкониятини оширишга қаратилган.
Шу билан бирга, ҳудудда юқори технологияли тиббий хизматлар рўйхати кенгаймоқда. Нукус марказий шифохонасида жигар ва буйрак трансплантацияси амалга оширилмоқда.
Оролбўйи болалар шифохонасида 150 турдаги юқори технологияли ёрдам кўрсатилмоқда. Йил бошидан буён Қорақалпоғистонда 1,5 мингта мураккаб операция ўтказилди.
Бундан ташқари, ҳудудда тиббий суғурта механизми жорий этилди. Тиббиёт муассасалари 10 миллион долларлик асбоб-ускуналар билан таъминланди.
Нукусда давлат-хусусий шериклик асосида тиббиёт илмий академияси ташкил этилди. Академия, клиникалар ва янги кўп тармоқли шифохона негизида университет тиббиёт кластери шакллантирилади.