Қорақалпоғистонлик педагог "Йил ўқитувчиси" танловидаги ғалабаси учун 50 минг доллар олди
Қорақалпоғистонлик педагог "Йил ўқитувчиси" танловидаги ғалабаси учун 50 минг доллар олди
Қорақалпоғистонлик ўқитувчи Нигора Алламбергенова "Йил ўқитувчиси" республика танлови ғолиблари қаторидан жой олди ва 50 минг доллар қўлга киритди. Бу ҳақда Қонликўл туманидаги 2-сонли мактаб педагоги Президент Шавкат Мирзиёевнинг ҳудудга ташрифи чоғида сўзлаб берди.
Давлат раҳбари билан учрашувда у, шунингдек, 2019 йилдан буён техникум биносида жойлашган Қонликўл туманидаги 1-сонли мактаб жорий йилда Президентнинг тўғридан-тўғри топшириғига асосан реконструкция қилинганини маълум қилди.
Ўзбекистонда "Йил ўқитувчиси" танлови илк бор ўтказилмоқда ва у мамлакат раҳбари ташаббуси билан таъсис этилган. Жорий йилда ушбу касбий беллашувда бутун республика бўйлаб 46 мингдан ортиқ педагог иштирок этди.
Саралаш натижаларига кўра, 208 нафар ўқитувчи — ҳар бир туман ва шаҳардан бир нафардан мутахассис ғолиб деб топилди. Энг яхши ўқитувчиларнинг ҳар бири 616 миллион сўм миқдорида пул мукофоти олади, бу эса 1 400 базавий ҳисоблаш миқдорига тўғри келади.