Қорақалпоғистонда ва Самарқанд вилоятида 368 млн сўмлик суюлтирилган газ талон-торож қилингани аниқланди
Қорақалпоғистоннинг Амударё тумани ва Самарқанд вилоятининг Нуробод туманида суюлтирилган газ талон-торож қилиниши ҳолатлари аниқланди. Умумий зарар 368 млн сўмдан ортиқни ташкил этди. Амударё туманида «Амударётумангаз» ходимлари еттита МФЙнинг 171 нафар аҳолиси номига электрон карталар расмийлаштиришган. Ваҳоланки, уларнинг хонадонлари аллақачон умумий табиий газ тармоғига уланган бўлган. Шунга қарамай, ҳужжатларда суюлтирилган газ берилгани кўрсатилган. Шу тариқа […]
Қорақалпоғистон ва Самарқанд вилоятида 368 млн сўмлик суюлтирилган газ талон-торож қилингани аниқланди
Қорақалпоғистоннинг Амударё тумани ва Самарқанд вилоятининг Нуробод туманида суюлтирилган газни талон-торож қилиш ҳолатлари қайд этилди. Умумий зарар 368 млн сўмдан ошди.
Амударё туманида «Амударётумангаз» ходимлари еттита МФЙнинг 171 нафар аҳолиси номига электрон карталар расмийлаштирган. Ваҳоланки, уларнинг хонадонлари аллақачон умумий табиий газ тармоғига уланган бўлган. Шунга қарамай, ҳужжатларда суюлтирилган газ берилгани кўрсатилган. Натижада 220,3 млн сўм талон-торож қилинган.
Нуробод туманида эса «Нурободтумангаз» масъул ходимлари 148,3 млн сўмни ўзлаштириб юборган. Бу пуллар суюлтирилган газ сотишдан тушган бўлиб, банкка топширилмаган.
Ҳар икки ҳолат бўйича Жиноят кодексининг 167 ва 209-моддалари билан жиноят ишлари қўзғатилган. Тергов ҳаракатлари давом этмоқда.
Аниқланган қонунбузарликлар суюлтирилган газни ҳисобга олиш ва сотишнинг амалдаги тизими билан боғлиқ. Шу билан бирга, Ўзбекистонда ушбу тизимни ислоҳ қилиш режалаштирилмоқда. Кам таъминланган оилаларга аввалги қўллаб-қувватлаш механизми ўрнига компенсация тўланади.