Қирғизистонга қурилиш материалларини олиб киришга қўйилган чекловлар олиб ташланди
2026 йил 29 октябрдан бошлаб Қирғизистонга 14 та товар позициясидаги қурилиш материаллари, жумладан, ғишт, плитка, ойна ва кабелларни олиб киришга қўйилган тақиқ бекор қилинди.
2026 йил 29 октябрдан Қирғизистонда қурилиш материаллари импортига қўйилган вақтинчалик чекловлар бекор қилинди. Bu ҳақда Ўзбекистон Республикаси Инвестициялар, саноат ва савдо вазирлиги хабар беради.
Қурилиш блоклари ва ғишт, плита ва плиткалар, шиша маҳсулотлари ҳамда электр кабелларини ўз ичига олган 14 та товар позициясини олиб киришга қўйилган тақиқ олиб ташланди.
Вазирлик баҳолашича, чекловларнинг бекор қилиниши ўзбекистонлик ишлаб чиқарувчилар ва экспортчилар учун қўшимча имкониятлар очади.
Улар Қирғизистонга етказиб бериш ҳажмини ошириши, савдо алоқаларини кенгайтириши ва янги экспорт шартномаларини тузиши мумкин бўлади.