Қайси давлатда ходимлар энг кўп ҳақ тўланадиган дам олиш кунига эга?
Дунё бўйича ходимларга қонун билан кафолатланган йиллик ҳақ тўланадиган таътил ва давлат байрамлари кунлари сони мамлакатга қараб 9 кундан 53 кунгача фарқ қилади. 185 давлатни қамраб олган рейтингда Эрон 53 кун билан биринчи ўринни эгаллаган.
Қайси мамлакатда ищилар энг кўп ҳақ тўланадиган дам олиш кунларига эга?
Resume.io томонидан ўтказилган тадқиқотга кўра, 2025-йил ҳолатига кўра, 185 давлатда қонуний белгиланган йиллик ҳақ тўланадиган таътил ва давлат байрамлари кунлари таққосланди.
Тадқиқот натижаларига кўра, рейтингга киритилган мамлакатларда ходимлар учун йиллик ҳақ тўланадиган таътил ва байрам кунларининг умумий миқдори ўртача 30 кунни ташкил этади.
Эрон ушбу рейтингда етакчилик қилмоқда. Бу мамлакатда йиллик ҳақ тўланадиган таътил ва давлат байрамлари жами 53 кунга етади. Манбада қайд этилишича, Эронда байрам кунларининг кўплиги анъанавий олти кунлик иш ҳафтаси билан ҳам боғлиқ.
Яқин Шарқнинг бошқа давлатлари ҳам юқори кўрсаткичларга эга. Хусусан, Яманда 45 кун, Баҳрайнда 44 кун, Қувайтда 42 кун ва Уммонда 39 кун ҳақ тўланадиган таътил ва байрам кунлари мавжуд.
Рейтингдаги умумий кўрсаткич икки қисмдан иборат: қонун билан кафолатланган йиллик ҳақ тўланадиган таътил ва ҳақ тўланадиган давлат байрамлари. Шу сабабли, бир хил натижа қайд этган давлатларда таътил ва байрам кунларининг нисбати турлича бўлиши мумкин.
Европа давлатларининг аксарияти жаҳон бўйича ўртача 30 кунлик кўрсаткичга тенг ёки ундан юқори натижа қайд этган. Масалан, Исландияда 40 кун, Швеция, Португалия ва Словакияда эса 35 кундан.
Россияда 2025-йил ҳолатига кўра, умумий кўрсаткич 42 кунни ташкил этган. Шундан 28 куни стандарт асосий ҳақ тўланадиган меҳнат таътили, 14 куни эса давлат байрамларига тўғри келади.
Осиёнинг айрим йирик иқтисодиётларида эса кўрсаткич жаҳон ўртачасидан анча паст. Хусусан, Хитойда 16 кун, Ҳиндистонда 18 кун, Японияда 26 кун қайд этилган.
Тадқиқотда келтирилишича, дунё мамлакатларида қонун билан белгиланган ҳақ тўланадиган таътил ва байрам кунларининг жами миқдори йилига 9 кундан 53 кунгача боради.