Қашқадарёдаги мактабга ишга жойлаштириш учун инглиз тили ўқитувчисидан 600 доллар талаб қилинди
Қашқадарёдаги мактабга инглиз тили ўқитувчисини ишга жойлаштириш учун 600 доллар талаб қилинди
Қашқадарё вилоятида мактаб директори пора олишда гумонланиб қўлга олинди. У инглиз тили ўқитувчисини ишга қабул қилиш эвазига пул талаб қилган.
Бош прокуратура ҳузуридаги Департамент матбуот хизмати хабар беришича, тезкор тадбир идоранинг Қарши шаҳар бўлими томонидан ўтказилган. Ғузор туманидаги мактаб директори ўқитувчини ишга жойлаштириш учун 600 доллар олган. У ашёвий далиллар билан қўлга олинган.
Мазкур ҳолат юзасидан пора олиш моддаси билан жиноят иши қўзғатилган. Тергов ҳаракатлари давом этмоқда.
Бундан аввал Наманганда Халқ қабулхонасининг муқаддам судланган ходими қўлга олинган эди. У пора эвазига уй қуриш учун ер участкасини расмийлаштириб беришни ваъда қилган.