Қашқадарёда 4 ёшли қиз асраб олган онаси томонидан калтакланиши оқибатида вафот этди
Касби туманида 4 ёшли қизча эр-хотин ўртасидаги жанжал вақтида ўгай онаси томонидан калтакланиши натижасида вафот этди. Аёл қўлга олинган, жиноят иши қўзғатилган.
Қашқадарёда 4 ёшли қиз асраб олган онаси томонидан калтакланиши оқибатида вафот этди
Қашқадарё вилоятининг Касби туманида 4 ёшли қиз асраб олган онаси томонидан калтакланиши оқибатида вафот этди. Бу маълумотни Ўзбекистон болалар омбудсмани идораси тасдиқлади.
Хабар қилинишича, 26 сентябрь куни эр-хотин — 38 ёшли Н. А. ва 32 ёшли И. С. ўртасида можаро келиб чиққан, ушбу можаро давомида аёл асраб олган қизини калтаклаган. Қизча бошидан оғир жароҳат олиб, ўша куни вафот этган.
27 сентябрь куни туман ИИБ ҳузуридаги тергов бўлими томонидан Жиноят кодексининг 126−1-моддаси 8-қисми «г» банди (ҳаёт учун хавфли бўлган қасддан баданга шикаст етказиш, бу жабрланувчининг ўлимига сабаб бўлиши) билан жиноят иши қўзғатилди. Ушбу жиноят учун 10 йилдан 12 йилгача озодликдан маҳрум қилиш жазоси назарда тутилган.
Дастлабки тергов ҳаракатлари олиб борилмоқда. Гумонланувчи ҳибсга олинган.
Болалар омбудсмани идораси тергов жараёнини ўз назоратига олганини маълум қилди.