Путин МДҲ раислигида Ўзбекистонга ҳар томонлама ёрдамни ваъда қилди
У Ўзбекистон 2027-йил 1-январдан бошлаб МДҲ ташкилотининг навбатдаги раисига айланишини айтди. Путин Ўзбекистон президенти Шавкат Мирзиёевга ушбу миссияда муваффақият тилади.
Путин МДҲ раислиги доирасида Ўзбекистонга ҳар томонлама ёрдам беришни ваъда қилди
Ўзбекистон Россия томонидан ҳар томонлама кўмакка таяниши мумкин. Бу ҳақда Россия президенти Владимир Путин Туркманистоннинг Туркманбоши шаҳрида бўлиб ўтган МДҲ давлатлари етакчилари учрашувида айтиб ўтди, деб хабар берди РИА Новости.
У Ўзбекистон 2027-йил 1-январдан бошлаб МДҲ ташкилотининг навбатдаги раисига айланишини маълум қилди. Путин Ўзбекистон президенти Шавкат Мирзиёевга ушбу вазифада муваффақият тилади.
«Бугун келгуси йилнинг 1-январидан бошлаб МДҲга раислик эстафетаси Ўзбекистонга ўтиши тўғрисида қарор қабул қилинди. Шавкат Миромонович Мирзиёевга ушбу муҳим миссияда муваффақият тилаб қоламан», - деди Путин.
МДҲ (Мустақил Давлатлар Ҳамдўстлиги) 1991-йил декабр ойида, СССР парчаланганидан сўнг ташкил этилган. Ташкилотга илгари Совет Иттифоқи таркибига кирган давлатлар аъзо ҳисобланади. Ҳамкорликнинг асосини савдо, транспорт, хавфсизлик, гуманитар ва маданий алоқалар ташкил этади. Олий органи - Давлат раҳбарлари кенгаши бўлиб, қароргоҳи Минск шаҳрида жойлашган.
МДҲга раислик ҳар йили ротация асосида алмашиб туради. Раислик қилувчи мамлакат йилнинг устувор йўналишларини белгилайди, Ҳамдўстлик тадбирларини ташкил этади ва давлат раҳбарлари саммитига мезбонлик қилади.
Ўзбекистон 2027-йил 1-январдан бошлаб МДҲга раислик қилади ва Бухорода навбатдаги саммитни қабул қилади. Бу мамлакатнинг иккинчи раислиги бўлади: Ўзбекистон илк бор 2020-йилда Ҳамдўстликка раислик қилган эди.