Президент Мустақиллик монументи пойига гулчамбар қўйди
Маросимда Олий Мажлис Қонунчилик палатаси ва Сенати, Президент Администрацияси, Вазирлар Маҳкамаси ҳамда Тошкент шаҳар жамоатчилиги
Президент Шавкат Мирзиёев "Янги Ўзбекистон" боғига ташриф буюриб, Мустақиллик монументи пойига гулчамбар қўйди.
Бу улуғвор мажмуа халқимизнинг кўп асрлик тарихини, буюк алломаларимиз ва жаҳонгир аждодларимизнинг образларини, шунингдек, мамлакатимиз тараққиётидаги муҳим воқеаларни ўзида акс эттиради.
Монумент чўққисидаги Ҳумо қуши озодлик ва эзгулик ғояларини, халқимизнинг олижаноб орзу-интилишларини ифодалайди.
Ватанимиз мустақиллигининг 35 йиллиги муносабати билан ўтказилган ушбу маросимда Олий Мажлис Қонунчилик палатаси ва Сенати, Президент Администрацияси, Вазирлар Маҳкамаси ҳамда Тошкент шаҳар жамоатчилиги вакиллари иштирок этди.