Полşа президенти суд можароси сабаб самолётини ортга бурди
Полşада Конституциявий трибунал раҳбарларини вақтинçа çетлатиş ҳақидаги қарор сиёсий можарони кескинлаşтирди. Варşавада суд биноси полиция қурşовига олинди, президент Карол Навроцкий эса Сенегалга парвозини тöхтатиб, мамлакатга şоşилинç қайтди.
Полша президенти суд можароси туфайли самолётини ортга қайтарди
ДВ хабарига кўра, 30-октабр куни судя Анна Корвин-Пиотровска Конституциявий трибунал раиси Богдан Свенçковский ва унинг ўринбосари Бартоломей Соханскийни бир ой муддатга хизмат вазифаларини бажаришдан четлатишини эълон қилган.
Қарорда раҳбарлар 2026-йилда парламент томонидан сайланган ва қасамёд қабул қилган судяларнинг ишларни кўриб чиқишда иштирок этишига тўсқинлик қилгани қайд этилган. Корвин-Пиотровска ўз ваколатини энг узоқ судялик стажига эга шахсга трибунал раҳбарини алмаштириш имконини берувчи қонун нормаси билан изоҳлаган. У 3-ноябрга судялар умумий йиғилишини ҳам чақирган.
Соханский эса қарорни тан олмаган ва воқеаларни «давлат тўнтариши» деб атаган. Унинг айтишича, ўзини лавозимдан четлатишга имкон берадиган ҳуқуқий асосдан хабари йўқ.
Бош вазир Доналд Туск трибунал раҳбарларининг вақтинча четлатилишини қўллаб-қувватлаган. У буни қонун устуворлигини тиклаш жараёни билан изоҳлаб, қатъий ҳаракатлар зарурлигини билдирган.
Президент Навроцкий эса воқеалар сабаб Сенегалга сафарини тўхтатган. Президент маъмурияти унинг Полшага қайтиш қарорини расман тасдиқлаган. Мамлакатга қайтгач, у Свенçковский ва Олий суднинг биринчи раиси Збигнев Капинский билан учрашган, сўнг Капинский ҳамроҳлигида трибунал биносига кирган.
Бино атрофида намойищилар тўпланган. Варшава полицияси судялар ва ходимлар хавфсизлигига эҳтимолий таҳдид ҳақидаги мурожаатлардан сўнг ҳудудни қуршовга олганини, аммо бино ичига кирмаганини билдирган. Полиция маълумотига кўра, тўсиқдан ошиб, трибунал ҳудудига кирган уч киши ушланган.
Можаро замирида Туск ҳукумати ва Навроцкий ўртасида янги судяларнинг ваколатларини тан олиш бўйича келишмовчилик ётибди. Президент парламент сайлаган айрим судялардан қасамёд қабул қилишни рад этган, трибунал раиси эса уларни ишларни кўришга қўймаган.
Шунингдек, адлия вазири ва бош прокурор Валдемар Журек 30-октабрда судяларнинг дахлсизлигини бекор қилиш бўйича бешта илтимоснома киритганини маълум қилган. Улар орасида трибунал раиси ва унинг ўринбосарига оид мурожаатлар ҳам бор.