Полшалик эркак 55 соат дам олмасдан Болтиқ денгизини сузиб ўтди (видео)

Полшалик сузувчи 55 соат тинимсиз сузиб, Болтиқ денгизини кесиб ўтди (видео)

Полшалик ултрамарафончи сузувчи Бартломик Кубковский Болтиқ денгизини бешинчи уринишида муваффақиятли босиб ўтди. У тахминан 160 километр масофани 55 соатга яқин вақт ичида сузиб ўтди. Бу ҳақда Медуза нашри маълум қилди.

Кубковский сузишни 31-июл куни Швеция қирғоғидан бошлаган. У 2-август якшанба куни Дзийвнув шаҳри пляжига етиб келди. Бутун йўл давомида у ёрдамчи қайиққа тегмаган, дам олмаган ва ухламаган.

Унга озиқ-овқат қайиқдан махсус найча орқали етказиб берилган. Бу Кубковскийнинг бешинчи уриниши бўлиб, у биринчи марта муваффақиятли якунланди. Кубковскийнинг ушбу сузиши "Ултра Балтис Свим" лойиҳаси доирасида амалга оширилди. У "Сансер Фигҳтерс" жамғармаси ҳомийлигидаги беморларга бағишланди ва улар учун хайрия маблағлари йиғилди.

Кубковскийдан аввал бошқа бир полшалик сузувчи, Себастян Караш ҳам Болтиқ денгизини сузиб ўтган эди (лекин қисқароқ йўналиш бўйича). У 2017-йилда Полшанинг Колобжег қирғоғи билан Даниянинг Борнҳолм ороли ўртасидаги 100 километрлик масофани 28 ярим соатда босиб ўтганди.