Польшада Бош вазир Тускга суиқасд уюштиришни режалаштиришда гумон қилинган шахс қўлга олинди
Полиция Дональд Туск ва унинг мудофаа вазирига қарши эҳтимолий ҳужумлар ҳақида ишончли маълумот олди.
Польшада бош вазир Тускга суиқасд уюштиришни режалаштирганликда гумон қилинган шахс қўлга олинди
Польша Бош вазири Дональд Туск ўзига ва мудофаа вазирига қарши суиқасд уюштиришни режалаштирганликда айбланаётган шахс қўлга олинганини маълум қилди.
Ички ишлар вазирлиги аввалроқ полиция Туск ва Владислав Косиняк-Камышга қарши мумкин бўлган ҳужумлар ҳақида ишончли маълумот олганини билдирган эди.
Режалаштирилган ҳужумлар тафсилотлари олингач, якшанба куни хавфсизлик хизматлари махсус йиғилиш ўтказди, вакилнинг сўзларига кўра, расмийлар таҳдидга "жуда жиддий" муносабат билдирмоқда.
Махсус хизматлар координаторининг матбуот котиби Яцек Добжиньский маҳаллий ОАВга ушбу гумонланувчи Қуйи Силезия регионида ҳибсга олингани ва у Польша фуқароси эканини айтди.
"Бу ҳолатда гап ушбу таҳдидларнинг амалда амалга оширилиши эҳтимоли юқори экани ҳақида бормоқда", деди у.
Ички ишлар вазирлиги матбуот котиби Каролина Галецканинг таъкидлашича, вазирлар хавфсизлиги учун масъул бўлган Давлат ҳимоя хизмати полицияга мумкин бўлган ҳужум ҳақидаги маълумотни ўз ичига олган электрон почта хабарини юборганида ушбу режа фош этилган.
Туск 2007 йилдан 2014 йилгача ушбу лавозимда ишлаганидан сўнг, 2023 йилдан бери яна Польша бош вазири бўлиб келмоқда.
У шунингдек, 2014 йилдан 2019 йилгача Европа кенгаши президенти бўлган.