Пентагон ва АҚШ Соғлиқни сақлаш вазирлиги COVID-19 га қарши вакциналарнинг ҳарбийлар ўлими билан эҳтимолий боғлиқлигини текширишни бошлади

Пентагон ва АҚШ Соғлиқни сақлаш вазирлиги COVID-19 га қарши вакциналарнинг ҳарбийлар ўлимига эҳтимолий алоқадорлигини текширишни бошлади

АҚШда Жо Байден маъмурияти талаби билан COVID-19 га қарши мажбурий вакцинациядан ўтган ҳарбий хизматчилар ўлими ҳолатлари бўйича расмий тергов бошланди. Бу ҳақда армия шифокори Тереза Лонгнинг Виржиния федерал судида берган кўрсатмаларидан маълум бўлди, деб хабар беради Politico.

Иш материалларига кўра, Лонг соғлиқни сақлаш вазири Роберт Ф. Кеннеди-кичикнинг катта ҳарбий маслаҳатчиси этиб тайинланган ва Пентагон раҳбари Пит Хегсет билан яқиндан ҳамкорлик қилмоқда. Мутахассислар вакциналарнинг ножўя таъсирларини ҳисобга олиш тизимига (VAERS) киритилган, америкалик ҳарбийлар орасида қайд этилган, аммо ҳозирча тасдиқланмаган 2 544 та ўлим ҳолатини текширмоқда.

Тадқиқотнинг асосий эътибори оғир асоратлар, энг аввало, мРНК-вакциналар билан боғланадиган миокардитга, яъни юрак мушагининг яллиғланишига қаратилган. Тергов, шунингдек, аввалги ҳукумат препаратнинг ножўя таъсирлари ҳақидаги маълумотларни яширган-яширмаганини аниқлаши керак. Потенциал хавфлар таҳлилини бир йил ичида якунлаш режалаштирилган.

Шу билан бирга, АҚШ Мудофаа вазирлиги COVID-19 билан боғлиқ тиклаш ва ярашиш бўйича янги мақсадли гуруҳ доирасида иш олиб бормоқда. Идора Конгресс ушбу талабни бекор қилгунига қадар мажбурий вакцинациядан бош тортгани учун қуролли кучлардан бўшатилган 9 мингга яқин ҳарбий хизматчининг ҳуқуқларини тикламоқда.

Лонгнинг кўрсатмалари 2021 йилда қўшинларда вакцинация дастури ижросини назорат қилган Пентагоннинг собиқ мулозими Терри Адиримнинг даъво аризаси бўйича суд жараёни доирасида берилган.