Пахта теримида мажбурий ва болалар меҳнатига йўл қўйилмаслиги назорат қилинади
Ота-оналардан эса ўқувчиларнинг пахта йиғим-терими ишларига жалб этилишига йўл қўймаслик сўралди.
Пахта терими жараёнида мажбурий меҳнат ва болалар меҳнатига йўл қўйилмаслиги устидан назорат олиб борилади
Ўзбекистонда пахта йиғим-терими мавсуми бошланди. Мавсум давомида меҳнат қонунчилигига амал қилинишини таъминлаш, мажбурий меҳнат ҳамда болалар меҳнатининг олдини олиш мақсадида махсус штаб ва ищи гуруҳлар фаолияти йўлга қўйилди.
Давлат меҳнат инспексияси иш берувчилар ва фермер хўжаликларини фуқароларни мажбуран меҳнатга жалб қилмасликка, болалар меҳнатидан фойдаланмасликка, меҳнат муносабатларини қонуний расмийлаштиришга ҳамда иш вақти, дам олиш ва меҳнатга ҳақ тўлаш талабларига риоя этишга чақирмоқда.
Шунингдек, ота-оналардан ўқувчиларнинг пахта йиғим-терими ишларига жалб этилишига йўл қўймаслик сўралди.
Меҳнат ҳуқуқлари бузилган ёки мажбурий меҳнат ҳолатига дуч келинган тақдирда Давлат меҳнат инспексиясига 1176 рақами ёки @муносибмеҳнат_бот орқали мурожаат қилиш мумкин.