Париж кўчаларида норозилик намойишлари тартибсизликлар ва талончиликларга айланиб кетганидан кейин ёнган машиналар ва синган ойналар қолди
Бутун мамлакат бўйлаб ўтган норозилик намойишлари зўравонлик ва вандализмга айланиб кетганидан сўнг, 1 800 га яқин одам ҳибсга олинди.
Парижда эътирозлар ғалаёнлар ва талон-торожларга айланиб кетганидан сўнг кўчаларни ёниб кетган машиналар ва синган ойналар эгаллади
Намойишлар ва ғалаёнлар кунидан сўнг Франция якшанба тонгида кенг кўламли вайронгарчиликлар манзарасига уйғонди: доконларнинг ойналари синдирилган, машиналар ёниб кетган, велосипедлар кулга айланган, Париж тротуарлари бўйлаб ойна парчалари ва чиқинди уюмлари сочилиб ётибди.
Шанба куни полиция 1800 га яқин кишини қўлга олди, ўша куни 550 000 га яқин намойишчилар асосан тинч ўтган эътирозларда юриш қилди.
Улар ёнилғи нархининг ошиши, яшаш қиймати ва давлат хизматлари, жумладан, мактаблар аҳволи ёмонлашаётганига қарши эътироз билдираётган эди.
Париж, Марсель ва бошқа шаҳарларда баъзилари қора кийим ва ниқоб ёки балаклава кийган ғалаёнчилар гуруҳлари пайдо бўлди, уларнинг баъзилари машиналар ва биноларга ўт қўйди.
Париж, Марсель ва Лилль, шунингдек, бошқа ҳудудларда кенг кўламли талончиликлар ҳақида хабар берилди.
Парижда эътирозчилар тартибсизликларга қарши полиция кучлари билан тўқнашди, полиция оломонга қарши кўздан ёш оқизувчи газ ва сув пуркагичлардан фойдаланди. Кун давомида баъзи гуруҳлар кўчада ўт ёқди ва транспорт воситаларини ёқиб юборди. Камида битта ресторан ёғин-сочин ичида ёниб кул бўлди ва BBC баъзи гуруҳлар ўртасида мушташувлар келиб чиққанини кўрди.
Париж марказида полициянинг оломонга ташлангани ва бир неча кишини дубинкалар билан ургани кўринган.
Жанубда, Марселда эътирозчилар металл панжарадан фойдаланиб, шаҳар мэриясига ёриб кирдилар. Лилль шаҳрида полициянинг маълум қилишича, McDonalds'га ўт қўйилган, шаҳардаги Apple дўконига эса ёриб кирилиб, талон-торож қилинган.
Бош вазир Себастьян Лекорню тартибсизликларда 150 нафар полиция ходими жароҳат олганини айтди.
Якшанба тонгида Парижда аҳоли етказилган зарарни кўздан кечирди, жумладан, Ralph Lauren, Gucci ва Versace каби дизайнерлик дўконларининг ойнаванд олд қисмлари синдириб ташланган.
Дўкон эгалари тозалаш ишларини бошлаб, супургилар билан эрталабдан катта ойна парчаларини йиғиб олишди. Баъзи катта кўчалар бўйлаб чиқиндиларни олиб ташлаш учун чиқинди ташувчи машиналар ҳаракатланди.
Кўплаб дўконларга граффити чизилган, жумладан, "бойларга солиқ солинсин" ва "бойларни енг" каби шиорлар ёзилган.
BBC Республика майдони яқинидаги кийим-кечак дўконига ташриф буюрди, у талон-торож қилинган, дўкон полига кийим-кечак ва мебеллар сочилиб ётган эди.
Дўконнинг тушкунликка тушган эгаси BBC’га видеокузатув камерасида талончиларни кўрганини, улар дўкон ичида бир ярим соатдан ортиқ вақт давомида бўлишганини ва бу вақт ичида ҳеч қандай полицияни кўрмаганини айтди.
Ўз шахси ошкор этилмаслигини сўраган дўкон эгаси BBC’га дўконни талон-торож қилганларнинг ҳеч бири мактаблардаги шароит ёки яшаш қиймати бўйича ҳақиқий эътирозчилар эканига ишонмаслигини айтди. Унинг айтишича, талончилар намойишлардан ўз манфаатлари йўлида фойдаланишган.
Франциянинг Channel 2 каналида кўрсатилган видеокузатув кадрида асосан ниқоб таққан ўсмирлар гуруҳи мобиль телефонлар дўконида токчалардан буюмларни олаётгани акс этган.
Францияда талабалар эътирозлари ўтган ойнинг охирида бошланганидан бери юз минглаб одамларни кўчаларга олиб чиқди. Эътирозчилар мактабларга кўпроқ инвестиция киритилишини талаб қилиб, ўқитувчилар ва ходимларнинг етишмаслиги, синфхоналарнинг ҳаддан ташқари тиғизлиги ва биноларнинг яроқсиз аҳволини танқид қилишмоқда.
Лионда мэр Грегори Дусе шаҳар туризм офисининг ёниб кетишини "фожиа" деб атади ва Франциянинг BFMTV телеканалига "бу юрагимизни оғритади, чунки бу жуда рамзий, машҳур тарихий бино" эканини айтди.
Маҳаллий полициянинг маълум қилишича, "душманона кайфиятдаги шахслар" ўт ўчирувчиларга ёнғинни хавфсиз ўчиришга халақит берган.
Ўт ўчириш гуруҳлари, шунингдем, Лимож шаҳар мэриясидаги ёнғин билан ҳам курашдилар, бу бинонинг бир қисми ўпирилиб тушишига олиб келди. Маҳаллий расмийлар шаҳар мэрияси "асосан бой берилганини" айтишди.
"Яввойи тўда" 143 ёшли бинога "қасддан" ўт қўйди, деди Верхняя Вьенна департаменти префекти Морис Барат.
Бошқа бир жойда, Жанубий-Шарқий Сент-Этьен шаҳри мэри Режис Жуанико социал тармоқда маълум қилишича, кичик портловчи модда туфайли бир ёш йигитнинг "қўли узилиб кетган".
"Бундай фожиа ҳеч қачон юз бермаслиги керак эди", деди у.
Франция Ички ишлар вазирлигининг маълум қилишича, шанба кунги эътирозларда пойтахтнинг баъзи қисмлари, шунингдек, Марсель, Ренн, Тулуза ва ғарбий Анже шаҳри каби жойларда "ниқобли шахслар" томонидан "мақсадли зўравонлик ҳаракатлари" содир этилган.
Бутун Франция бўйлаб, жумладан, Гренобль, Авиньон, По, Монпелье ва Валансда биноларга зарар етказилгани ҳақида хабар берилди.