Ўзбекистонда озодликдан маҳрум этилганлар сони олти ойда 22 фоизга кўпайди
Ўзбекистонда озодликдан маҳрум этилганлар сони олти ойда 22 фоизга ошди
Ўзбекистонда 2026-йилнинг И ярмида озодликдан маҳрум қилинганлар сони 2025-йилнинг мос давридагига қараганда 2 минг 133 нафарга, яъни 22 фоизга кўпайди.
Таҳлилга кўра, январ-июн ойларида судлар томонидан республикада 11 минг 703 киши озодликдан маҳрум этилган. Таққослаш учун, 2025-йилнинг шу даврида бу кўрсаткич 9 минг 570 нафар эди.
Жорий йилнинг дастлабки олти ойида озодликдан маҳрум қилинганлар орасида энг юқори улуш Тошкент шаҳрига тўғри келди — 2030 нафар. Кейинги ўринларда Фарғона (1462) ва Тошкент (1452) вилоятлари қайд этилган. Энг кам улуш Қорақалпоғистонга тегишли бўлиб, 317 нафарни ташкил этди.
Тошкент шаҳридан икки нафар шахсга умрбод озодликдан маҳрум қилиш жазоси тайинланган.
Ҳукм қилинганлар орасида 179 киши қасддан одам ўлдириш, 1 минг 376 киши қасддан баданга оғир ва ўртача оғирликда тан жароҳати етказиш жиноятларини содир этган. Яна 1 минг 789 нафар шахс безорилик, 5 минг 788 одам эса гиёҳвандлик билан боғлиқ жиноятларга қўл урган.
Ярим йил давомида қарийб 3 минг 605 киши коррупсион жиноят содир этгани учун судланган. Уларнинг 779 нафари озодликдан маҳрум қилинган. Яна 614 нафари жаримага тортилган бўлса, 1 минг 479 нафари ахлоқ тузатиш ишлари, 711 нафари озодликни чеклаш жазоси билан жазоланган.