Ўзбекистон U-23 терма жамоаси футболчиси Германияда операция қилинди
Саидумархон Саиднураллаев Осиё ўйинларининг ярим финалида орттириб олган тиззанинг хочсимон бойлами узилишидан сўнг муваффақиятли операция қилинди.
Ўзбекистон U-23 терма жамоаси футболчиси Германияда операция қилинди
Ўзбекистон ёшлар терма жамоаси (U-23) ўйинчиси Саидумархон Саиднураллаев тиззасидаги хочсимон пайлари узилганидан сўнг Германияда муваффақиятли операция қилинди.
У жароҳатни Осиё ўйинларининг ярим финал ўйинида олди. Жароҳат туфайли футболчи ўйинни давом эттира олмади ва майдонни тарк этишга мажбур бўлди.
Хирургик амалиётни ўтказиш учун Ўзбекистон футбол ассоциацияси спортчининг Германиядаги Medical Connections клиникасида даволанишини ташкил этди.
Операцияни профессор Мирко Херберт бажарди. Мавжуд маълумотларга кўра, амалиёт муваффақиятли ўтган, Саидумархон Саиднураллаевнинг аҳволи эса яхши деб баҳоланмоқда.
Футболчининг тикланиш ва машғулотлар ҳамда ўйинларга қайтиш муддатлари ҳақида маълумот берилмаган.