Ўзбекистон шахмат Олимпиадасининг биринчи турида Ямайка билан ўйнайди. Синдаров учрашувни ўтказиб юборади
Ўзбекистон терма жамоалари 16 сентябрь куни Самарқанддаги шахмат Олимпиадасида илк учрашувларини ўтказади. Учта эркаклар жамоаси Ямайка, Афғонистон ва Мали билан, аёллар жамоалари эса Тринидад ва Тобаго, Того ҳамда Танзания билан ўйнайди. Жавоҳир Синдаров биринчи турда ўйнамайди.
Ўзбекистон шахмат Олимпиадасининг биринчи турида Ямайка билан ўйнайди. Синдаров учрашувни ўтказиб юборади
16 сентябрь куни Самарқандда 46-Бутунжаҳон шахмат олимпиадаси баҳслари бошланади. Ўзбекистоннинг биринчи эркаклар терма жамоаси Ямайка билан, иккинчиси — Афғонистон билан, учинчиси — Мали билан тўқнаш келади. Аёллар турнирида Ўзбекистон жамоаларининг рақиблари Тринидад ва Тобаго, Того ҳамда Танзания бўлади.
Биринчи эркаклар терма жамоаси сафида старт раундида Нодирбек Абдусатторов, Нодирбек Яқуббоев, Шамсиддин Воҳидов ва Муҳиддин Мадаминов доска ортига ўтиради. Жавоҳир Синдаров биринчи учрашувни ўтказиб юборади.
Биринчи аёллар жамоасида Гулруҳбегим Тоҳиржонова, Умида Омонова, Нилуфархон Имомқўзиева ва Гулдона Каримова доскаларга чиқади. Биринчи тур партиялари соат 15:00 да бошланади.
Ўзбекистоннинг биринчи жамоаси Ямайка билан тўқнаш келади. Доскалардаги жуфтликлар:
Ўзбекистон биринчи ва учинчи доскаларда қора доналарда, иккинчи ва тўртинчи доскаларда эса оқ доналарда ўйнайди.
Ўзбекистоннинг иккинчи терма жамоаси Афғонистон билан ўйнайди:
Учинчи терма жамоа Мали билан тўқнаш келади:
Ўзбекистоннинг биринчи аёллар терма жамоаси Тринидад ва Тобаго билан тўқнаш келади:
Иккинчи аёллар терма жамоаси Того билан тўқнаш келади:
Учинчи аёллар жамоаси Танзания билан ўйнайди:
Очиқ турнирнинг биринчи туридаги бошқа эътиборга молик жуфтликлар қаторида: Ироқ — АҚШ, Ҳиндистон — Таиланд, Хитой — Уганда, Фарер ороллари — Германия, Нидерландия — Гонконг, Марокаш — Озарбайжон ва Венгрия — Мальта.
Аёллар турнирида Ҳиндистон Доминикан Республикаси билан, Тунис — Грузия билан, Қозоғистон — Ботсвана билан, Замбия — Хитой билан, АҚШ — Андорра билан, Ироқ — Украина билан, Озарбайжон — Гватемала билан ўйнайди.
Олимпиада бошланишидан олдин етакчи терма жамоаларнинг қайднома тартиби ҳам маълум бўлди. Ҳиндистон ўйинчиларни рейтинг бўйича жойлаштирди: биринчи доскага Рамешбабу Прагнанандха, кейин — Аржун Эригайси, Ниҳал Сарин, охирги, тўртинчи доскага эса амалдаги жаҳон чемпиони Гукеш Доммаражу киритилган. Видит Гужрати бешинчи ўйинчи сифатида кўрсатилган.
Ўзбекистон терма жамоасида капитан Рустам Қосимжонов, Жавоҳир Синдаровнинг рейтинги бироз юқорироқ бўлса-да, биринчи доскага Нодирбек Абдусатторовни қўйди. Кейинги қайднома тартибида Синдаров, Нодирбек Яқуббоев, Шамсиддин Воҳидов ва Муҳиддин Мадаминов жой олган. Шу билан бирга, Ямайкага қарши биринчи турда Синдаров ўйнамайди.
АҚШ ўйинчиларни Фабиано Каруана, Уэсли Со, Ханс Ниманн, Левон Аронян ва Авонг Лян тартибида рўйхатдан ўтказди. Хитойда дастлабки беш позицияни Дин Лижэнь, Вэй И, Ю Янъи, Сюй Сянъюй ва Кун Сяньюй эгаллади.
Самарқанддаги Бутунжаҳон шахмат Олимпиадаси рекорд даражадаги 400 та жамоани бирлаштиради. Ўзбекистон уй турнирига фаворитлардан бири сифатида яқинлашмоқда, асосий рақиблар эса АҚШ, Ҳиндистон ва Хитой бўлади.