Ўзбекистондаги саноат корхоналарининг катта қисми нима ишлаб чиқаради?
Мамлакатда 65,3 мингта саноат корхонаси фаолият юритмоқда. Уларнинг энг кўп қисми озиқ-овқат маҳсулотлари ишлаб чиқаришга
Ўзбекистондаги саноат корхоналарининг катта қисми нима ишлаб чиқаради?
2026-йил 1-сентябр ҳолатига кўра, Ўзбекистонда 65,3 мингта саноат корхонаси фаолият юритган.
Асосий иқтисодий фаолият турлари кесимида озиқ-овқат маҳсулотлари ишлаб чиқариш етакчи ўринни эгаллаган. Бу йўналишда 13,2 мингта корхона ишлаган бўлиб, улар саноат корхоналарининг 20,2 фоизини ташкил этган.
Корхоналар сони бўйича кейинги ўринда бошқа нометалл минерал маҳсулотлар ишлаб чиқариш соҳаси жойлашган. Ушбу йўналишда 9,2 мингта корхона фаолият кўрсатган, уларнинг улуши 14 фоизга тенг бўлган.
Кийим ишлаб чиқариш соҳасида 6,7 мингта корхона қайд этилган. Бу жами саноат корхоналарининг 10,3 фоизини ташкил қилган.
Тайёр металл буюмлар ишлаб чиқариш билан 5,4 мингта корхона шуғулланган. Уларнинг улуши 8,2 фоизга тенг бўлган. Шу жумладан, мебел ишлаб чиқариш соҳасида 4,5 мингта корхона фаолият юритган. Бу кўрсаткич саноат корхоналарининг 6,9 фоизини ташкил этган.
Тўқимачилик маҳсулотлари ишлаб чиқаришда 4 мингта корхона қайд этилган. Резина ва пластмасса буюмлар ишлаб чиқариш соҳасида эса 3 мингта корхона фаолият юритган. Уларнинг умумий саноат корхоналаридаги улуши мос равишда 6,1 ва 4,6 фоизни ташкил қилган.