Ўзбекистонда бозор хизматлари 8 ойда 908,6 трлн сўмга етди
Бозор хизматлари 17 фоизга ўсди, энг катта ҳажм савдо ҳамда яшаш ва овқатланиш хизматлари ҳиссасига
Ўзбекистонда бозор хизматлари 8 ойда 908,6 трлн сўмга чиқди
Миллий статистика қўмитаси маълумотларига кўра, 2026 йил январ–август ойларида Ўзбекистонда 908,6 трлн сўмлик бозор хизматлари кўрсатилган.
Бу кўрсаткич 2025 йилнинг мос даврига нисбатан реал ҳисобда 17 фоизга юқори. Бозор хизматлари таркибида энг катта улуш савдо хизматларига тўғри келган.
Савдо хизматлари 214 трлн сўмни ташкил этган. Яшаш ва овқатланиш хизматлари 173,2 трлн сўм, молиявий хизматлар 144,7 трлн сўм, транспорт хизматлари эса 141,7 трлн сўм бўлган.
Алоқа ва ахборотлаштириш хизматлари ҳажми 71,4 трлн сўмга тенг бўлган. Бошқа хизматлар бўйича 44,6 трлн сўмлик ҳажм қайд этилган.
Таълим соҳасида 30,7 трлн сўмлик хизмат кўрсатилган. Кўчмас мулк билан боғлиқ хизматлар 22,3 трлн сўм, шахсий хизматлар эса 16,3 трлн сўмни ташкил этган.
Соғлиқни сақлаш соҳасида 16 трлн сўмлик хизмат кўрсатилган. Меъморчилик, муҳандислик изланишлари, техник синовлар ва таҳлил хизматлари ҳажми 12,7 трлн сўм бўлган.
Компютерлар ва маиший товарларни таъмирлаш бўйича хизматлар 10,7 трлн сўмни ташкил этган. Ижара хизматлари ҳажми эса 10,3 трлн сўмга етган.