Ўзбекистонда 7 ойда 61,1 трлн сўмлик тўқимачилик маҳсулоти ишлаб чиқарилди
Ўзбекистонда 2026 йилнинг январ-июл ойларида 61,1 трлн сўмлик тўқимачилик маҳсулоти ишлаб чиқарилди. Ҳажм 17,5 фоизга ошди.
Ўзбекистонда 7 ойда 61,1 трлн сўмлик тўқимачилик маҳсулоти ишлаб чиқарилди
Ўзбекистонда 2026 йил январ-июл ойларида йирик корхоналар томонидан 61,1 трлн сўмлик тўқимачилик маҳсулотлари ишлаб чиқарилди. Миллий статистика қўмитаси маълумотларига кўра, ишлаб чиқариш ҳажми йил давомида 17,5 фоизга ошган.
Етти ой ичида энг катта тўқимачилик ишлаб чиқариши Фарғона вилоятига тўғри келиб, бу ерда кўрсаткич 8 трлн сўмни ташкил этди. Иккинчи поғонада 6,3 трлн сўмлик натижа билан Андижон вилояти қайд этилди. Учинчи ўринни эса Қашқадарё вилояти эгаллаб, ишлаб чиқариш ҳажми 6 трлн сўмга етди.
Хоразм вилоятида йирик корхоналар томонидан 5,6 трлн сўмлик тўқимачилик маҳсулотлари ишлаб чиқарилган. Наманган вилоятида бу кўрсаткич 5,2 трлн сўмни, Бухоро вилоятида эса 4,9 трлн сўмни ташкил этган.
Самарқанд вилоятида ишлаб чиқариш ҳажми 4,6 трлн сўмга етган. Сурхондарё вилояти ва Тошкент шаҳрида эса 4 трлн сўмдан тўқимачилик маҳсулотлари ишлаб чиқарилган. Тошкент вилоятида 3,8 трлн сўмлик маҳсулот ишлаб чиқарилган.
Жиззах вилоятида тўқимачилик маҳсулотлари ишлаб чиқариш ҳажми 2,9 трлн сўмни, Қорақалпоғистон Республикасида эса 2,8 трлн сўмни ташкил этган.