Ўзбекистон ва Корея Республикаси инвестициялардан саноат экотизимларига
Материал Корея Республикасининг саноат комплекслари ва кластерларини ривожлантириш тажрибаси ҳамда уни Ўзбекистонда қўллаш имкониятларига бағишланган. Саноат зоналарини модернизация қилиш, технологик инфратузилмани ривожлантириш, кадрлар тайёрлаш ва ишлаб чиқариш кооперациясини кенгайтириш масалаларига алоҳида эътибор қаратилган.
Ўзбекистон ва Корея Республикаси: инвестициялардан саноат экотизимларигача
Ўзбекистон ва Корея ўртасидаги иқтисодий ҳамкорлик савдо ҳамда инвестиция лойиҳаларидан тобора чуқурроқ саноат кооперациясига изчил ўтмоқда. Кореянинг Ўзбекистонга йўналтирган инвестициялари ҳажми 8 млрд доллардан ошди, Корея Эксимбанки ва унинг жамғармалари иштирокидаги лойиҳалар портфели эса 2 млрд доллардан зиёдни ташкил этади. 2026 йилнинг етти ойи якунига кўра, Ўзбекистонда Корея капитали иштирокида фаолият юритаётган корхоналар сони 730 тага етди.